| | يوميّات اتنين مخطوبين |  |
|
+5Admin أسيرة الحب شعاع امل ايمي هيكل دقدوووش 9 مشترك |
|
| كاتب الموضوع | رسالة |
|---|
شعاع امل
عضو ملكى
عدد الرسائل : 773
المزاج : عادي
اعلام الدول : 
المزاج : 
المهنه : 
الهوايه : 
تاريخ التسجيل : 01/07/2008
 |  موضوع: رد: يوميّات اتنين مخطوبين  الثلاثاء سبتمبر 02, 2008 6:52 am | |
| ميرسي ليك جدا يا دقدوش انك مش بتخلينا نستنى كتير بس بردوا ليه التشويق دااا يا ريت بقى تنزل بقية الحلقات و بسرعة لاني مش بحب الانتظار كتييييييييييير و بجد حلقة جااااااااااااااااامدة زى كل الحلقات  | |
|
 | |
دقدوووش
عضو {v.i.p}
عدد الرسائل : 1234
العمر : 36
المزاج : 
المهنه : 
الهوايه : 
الاوسمه : 
تاريخ التسجيل : 01/07/2008
| | موضوع: رد: يوميّات اتنين مخطوبين الثلاثاء سبتمبر 02, 2008 1:43 pm | |
| شكرا ليكى ياايمان انتى ورؤى وعبير
بجد انتو الى مظبطنى فى القصة دى
مش عارف اقولكم اية
وبدعيلك اهوة يا ايمى والله من كل قلبى
ان ربنا يوفقك وتعملى كل الى انتى عايزاة
واوعدكم ان شاء الله بتنزيل كل يوم حلقة من القصة
كدة كويس ياجماعة
عدل سابقا من قبل دقدوووش في الأربعاء سبتمبر 03, 2008 4:56 pm عدل 1 مرات | |
|
| | |
دقدوووش
عضو {v.i.p}
عدد الرسائل : 1234
العمر : 36
المزاج :
المهنه :
الهوايه :
الاوسمه :
تاريخ التسجيل : 01/07/2008
| | موضوع: رد: يوميّات اتنين مخطوبين الثلاثاء سبتمبر 02, 2008 6:50 pm | |
| [size=16]الحلقة الثانية ( الصباحية )
استيقظت من نومى وانا لا أدرى اين انا وأخذت أتفحص المكان بدقة وانا أبحث عن حجرتى القديمة فلا أجدها ووجدت عمر نائم على السرير فانتفضتوكدت اصرخ فى وجهه ثم تذكرت كل شىء وأخذت أضحك فى سرى وانا أتذكر أمى وهى تقول لى ( انتى يا سارة لما بتصحى من النوم ممكن تطلبى البوليس للى قدامك عقبال ما تعرفى انتى فين ؟)
عندها حق لازم اتخلص من العادة دى مش كل يوم ح أصحى الراجل مفزوع كده .. وأفقت لأجد ان جرس التليفون يرن من فترة وخرجت على أطراف أصابعى حتى لا أوقظ عمر ... ووجدتها ماما كما توقعت (الحمد لله انها لم تكن حماتى! )
- صباح الخير يا ست العرايس صباحية مباركة .
- صباح النور يا حبيبتى .
- انا ما نمتش خالص قلقانة عليكى .....
- انا الحمد لله كويسة ( اه لو الامهات تبطل القلق ده )
- !!..... طيب يا سارة احنا ح نيجى لك بعد الضهر شوية
- تنورى يا ماما ....
طبعا ماما أحبطت من ردى خلاص فعلا حاسة ان لى حياة مستقلة وانى لست فى حاجة انى أقول كل شىء لماما وبعدين عاوزة ماما تتعود على الوضع ده علشان ما يحصلش مشاكل بعد كده
ووضعت السماعة لأجد التليفون يرن مرة أخرى( واضح ان تليفونا هو الوحيد فى مصر! ) لأجد مكالمة مشابهة من حماتى وانهم برضه ح ييجوا بعد الضهر ( والدعوة عامة وحتبقى لمة ! )
استيقظ عمر وهو يبتسم ويقول : ( صباح الفل يا حبيبتى اهو ده الصباح ولا بلاش .. بجد ملكة حتى وانتى صاحية من النوم )
ابتسمت له وقلت أسد نفسه بسرعة فأخبرته ان كل العالم ح ييجى لنا بعد الضهر يعنى بعد ساعة تقريبا
ووجدته يقول : يا ستى يشرفوا بس بجد مفروض ان الأهل يسيبوا العرايس شوية ياخدوا على الوضع الجديد وعلى الحياة الجديدة مش هجوم كده من أولها ماهم لسه سايبنا من كام ساعة ... حيكون حصل لنا ايه يعنى ؟ وبعدين انا ما نمتش طول الليل من شخيرك يا سارة !
- شخيرى ؟ وكان ردى ان قذفته بكل مخدات الأنترية ولقنته درسا لا ينساه فى احترام حرمه المصون اللى هى أنا!
- يا ساتر يا رب ده انتى شرانية الواحد ما يعرفش يهزر معاكى شوية ؟
- لا يا سيدى ما عندناش رجالة يهزروا ... يالا تعالى نشوف ح نقدم للجماعة ايه ؟؟ودخلنا المطبخ وأعددنا ما سنقدمه للضيوف واعدنا ترتيب المنزل علشان الناس اللى ح تيجى تتفرج على الفرش الجديد وغيرت ملابسى وارتديت طقم جديد وحذاء بكعب عالى لأول مرة وربنا يستر واعرف امشى فيه ..... وخلاص بقى ح اعيش فى دور المدام ... ووجدت الباب بيرن ووجدت الاسرتين سوا مش عارفة ازاى ؟!!
ووجدتنى مفروض على أستقبل حوالى 18 فرد مرة واحدة ليه كده بس ؟ ما علينا المشكلة الأزلية ان الناس اللى بتيجى بتتفرج على كل الشقة حتى المطبخ يعنى مفروض ان اول ما الناس يشربوا حاجة أغسل الكاسات فورا علشان الفرجة تبقى كاملة .....
وهكذا وجدتنى تحولت الى نحلة مكوكية اشيل وأحط وأغسل وأفرج الزباين أقصد الضيوف على الشقة حتة حتة ومش عارفة ليه العروسة بتفتح النيش والدواليب وكل الفرش وكل الأطقم لكل واحد ييجى ؟؟؟؟؟؟؟؟ فعلا حرب مفروض الضيوف ييجوا يقعدوا فى الصالون فترة بسيطة ويلقوا نظرة سريعة على الفرش ويباركوا ويمشوا وخلاص وبلاش التفتيش الذاتى ده ... لكن تقول ايه الواحد كان اتجوز فى الصين أحسن !!
ايه الشغلانة دى ؟ ده بيت ابويا ما كانش زحمة كدة ؟؟؟؟ الناس دى ح تمشى امتى انا تعبت وسارة ياعينى ما قعدتش لحظة ولما جيت أشيل معاها الصوانى ماما قالت لى ( يعنى عمرك ما ساعدتنى يا عمر ؟ ) الحمد لله ان سارة كانت فى المطبخ مش ناقصين نكد !!
وأخيرا أخيرا مشيوا وانا اكاد أبكى من التعب لأنى اصلا لسه تعبانة من مجهود الفرح حرام الظلم ده ..... ووجدت ماما تميل على وهى ماشية وتقول لى خلى بالك من نفسك يا سارة وماتتعبيش نفسك ( مش عارفة ازاى ؟)وعلى فكرة خالك وخالتك واولادهم جايين لكم بعد العصر شوية .......... وعمة عمر وجوزها واولادها جايين بالليل !!!!!!!!!!!!!!!!!!حراااااااااااااااااااااااااااا ااااااااااااام [/size] | |
|
| | |
not found me
عضو جديد
عدد الرسائل : 66
تاريخ التسجيل : 25/08/2008
| | موضوع: رد: يوميّات اتنين مخطوبين الأربعاء سبتمبر 03, 2008 2:34 am | |
| بجد جميلة اوى ما تتاخرش علينا فى بقية القصة هننتظرها كل يوم وعقبالك انت وايمى وعبير | |
|
| | |
شعاع امل
عضو ملكى
عدد الرسائل : 773
المزاج : عادي
اعلام الدول :
المزاج :
المهنه :
الهوايه :
تاريخ التسجيل : 01/07/2008
| | موضوع: رد: يوميّات اتنين مخطوبين الأربعاء سبتمبر 03, 2008 4:11 am | |
|
لا بجد يا دقدوش راااااااااااااائعة الحلقة
بس بجد مش عارفين نقولك ايه
علشان سمعت الكلام وما اتاخرتش علينا
عقبالك وعقبال رؤي وايمي وانااااااااااااااااااااا
| |
|
| | |
ايمي
عضو ملكى
عدد الرسائل : 744
العمر : 113
المزاج : الحمدلله كويس
اعلام الدول : 
المهنه : 
تاريخ التسجيل : 01/07/2008
| | موضوع: رد: يوميّات اتنين مخطوبين الأربعاء سبتمبر 03, 2008 4:23 am | |
| تسلم ايدك يا احمد ومنتظرين الحلقة القادمة وما تتاخرش علينا  | |
|
| | |
دقدوووش
عضو {v.i.p}
عدد الرسائل : 1234
العمر : 36
المزاج :
المهنه :
الهوايه :
الاوسمه :
تاريخ التسجيل : 01/07/2008
| | موضوع: رد: يوميّات اتنين مخطوبين الأربعاء سبتمبر 03, 2008 2:10 pm | |
| [size=21]يوميات اتنين متجوزين
الحلقه الثالثه
سارة
يااااااااااه دى فعلا حرب ايه كل المهنئين دول انا حاسة انى كنت عانس مثلا ومصر كلها مش مصدقة انى اتجوزت فجايين يتأكدوا بنفسهم أحسن تطلع اشاعة ضيوف ضيوف ضيوف ....طول النهار والليل ومفروض أكون طول الوقت مستعدة ولابسة لبس فى منتهى الشياكة وكعب عالى حتى لو لطعونا ساعتين تلاتة مش مهم كعادة المصريين يقولوا لك (حنعدى عليك اخر النهار!) الكلمة دى بتثير جنونى يعنى الساعة كام ؟ وطبعا لازم البيت يبقى مفيش فيه ذرة تراب او طبق فى الحوض طوال اليوم علشان حملة التفتيش الذاتية وتكون النتيجة اننا مش عارفين نخرج ولا نتفسح ولا حتى الواحد يقعد على راحته حاجة تفلق !
عمر
هو الجواز ح يطلع مقلب ولا ايه يا رجالة ؟؟؟؟؟
انا حاسس انى فى الصين الشعبية رجالة وستات والكارثة فى الاطفال اللى مش بيحلى لهم أكل الشيكولاتة ومسح ايديهم الا فى الصالون اللى الواحد دافع فيه دم قلبه .. واللى يفرس أكتر موضوع الهدايا ده كل واحد جت له هدية مش عاجباه ييجى ويديهالنا وطبعا احنا كمان مش محتاجينها وقليل جدا الهدايا النقدية .. ده الواحد بقى على الحديدة من مصاريف الجواز والفرح وقلنا ح تفرج من نقوط الفرح يقوموا يدوها هدايا مالهاش لازمة ؟ ده الواحد كده مش ح يعرف يعمل منظر فى شهر العسل ولا ايه و مش ح اعرف أفسح سارة فى مكان كويس ؟ شكلها كده ح ترسى على شقة خالى فى اسكندرية مع سلفة ابوية لا ترد .... وربنا يستروما تحصلش مشاكل !!!!!!
نقعت رجلى فى ماء وملح من كتر الوقوف وأخذت قرص مسكن وانا أعانى من علامات كساح مبكر... ونزعت فيشة التليفون كى لا يتصل أحد اخر ويتحفنى بالخبر الميمون (انه جاى فى السكة!) وأغمضت عينى وجدت عمر يضع يده على جبينى ويقول لى
:
- ( سلامتك يا حبيبتى من التعب... معلش انا ح اريحك حالا .. يالا قومى رتبى الشنط ح نسافر حالا ! )
-رددت كالملسوعة : ايه أقوم ؟وكمان نسافر حرام عليك انا ح اموت خلااااااااااص انا مش ح اتحرك ابدا من هنا.
- يا حبيبتى مفيش حل تانى انا خلاص ح اتجنن من كتر الدوشة لازم نهرب من هنا ونستمتع بشهر العسل انتى ناسية اننا ح نرجع شغلنا بعد أسبوع ؟
- طيب والفلوس يا عمر ؟
-ولا يهمك يا حبيبتى جوزك اتصرف جيب السبع ما يخلاش (قصدى جيب والده )
-طيب والناس اللى عمالة تيجى دى حيتجى ما تلاقيناش ؟
-احسن ... يبقوا يقعدوا مع البواب ... والله ده انا مسافر مخصوص علشان اهرب منهم ونكون انا وانتى بس فى الدنيا .
- طيب مش أستأذن ماما وبابا الأول؟
- فنظر الى عمر بغضب هائل وقال لى ( قومى دلوقت يا سارة حضرى الشنط حالا حنسافر بعد ساعة ....قبل ما أفقد أعصابى !)
- فانتفضت من أمامه لأحضر الشنط فورا وانا لا أعرف ماذا أغضبه الى هذا الحد علشان قلت أستأذن بابا طيب ما انا لسه مش واخده على دور المدام ده .. واضح انى متجوزة أسد وانا مش واخدة بالى
- وفى السيارة أخدت بالى انى أول مرة أركب مع عمر لوحدنا كان احساس رائع والاجمل انى تركته هو يقود الدفة ويوجهنا الى حيث يشاء .............احساس جميل بالقاء المسئولية على الرجل وانتى تنعمى بالراحة والاطمئنان سبحان الله حتى القوامة للرجل التى تغضب منها النساء ما أجملها من احساس.. وأغمضت عينى ونمت
واستيقظت لأجد نسيم الاسكندرية الرائع وعمر يوقظنى كطفلة صغيرة ويقول لى (قومى بقى يا عروسة ... وصلنا شقة خالى اللى حكيت لك عنها .......)
وصعدنا الشقة ووجدتها صغيرة لكن مشرقة وجميلة وأخذ عمر يفرجنى على جميع الغرف وخرجنا البلكونة لنستمتع بمنظر البحر الرائع ولكنى وجدت فتاة جميلة وجذابة ذات شعر حريرى وقوام ممشوق فى مثل سنى تقريبا فى البلكونة المجاورة لنا تماما صاحت عندما رأت عمر وقالت بدلال كبير :
( حمدالله على السلامة يا عمر مش كنت تقول لى انك جاى ؟ .كده انا زعلانة منك
ثم انتبهت أخيرا الى الحشرة الموجودة بجواره اللى هى اناوقالت بتساؤل ممزوج بغضب ( مين دى يا عمر (؟؟؟؟؟؟؟؟؟؟؟!!!!!! )
[/size] | |
|
| | |
ايمي
عضو ملكى
عدد الرسائل : 744
العمر : 113
المزاج : الحمدلله كويس
اعلام الدول :
المهنه :
تاريخ التسجيل : 01/07/2008
| | موضوع: رد: يوميّات اتنين مخطوبين الأربعاء سبتمبر 03, 2008 4:21 pm | |
| الحلقة دي عجبتني اوي علي الرغم من اني زعلت علي سارة من صدمتها
اكتر حاجة عجبتني
وفى السيارة أخدت بالى انى أول مرة أركب مع عمر لوحدنا كان احساس رائع والاجمل انى تركته هو يقود الدفة ويوجهنا الى حيث يشاء .............احساس جميل بالقاء المسئولية على الرجل وانتى تنعمى بالراحة والاطمئنان سبحان الله حتى القوامة للرجل التى تغضب منها النساء ما أجملها من احساس..
شكراااااااااااااااااااااااااااااااااااا يا دقدوووووووووووووووووووش | |
|
| | |
شعاع امل
عضو ملكى
عدد الرسائل : 773
المزاج : عادي
اعلام الدول :
المزاج :
المهنه :
الهوايه :
تاريخ التسجيل : 01/07/2008
| |
| | |
not found me
عضو جديد
عدد الرسائل : 66
تاريخ التسجيل : 25/08/2008
| | موضوع: رد: يوميّات اتنين مخطوبين الخميس سبتمبر 04, 2008 2:43 am | |
|
بجد حلقة جميلة يا احمد كملها بسرعة
عشان عاوزة اعرف عمر هيكون موقفه ايه مع سارة
وعندك حق يا عبير ملهمش امان ابدا
| |
|
| | |
mera
عضو ذهبى
عدد الرسائل : 533
العمر : 32
المزاج : ربنا يعدلهاااا
اعلام الدول :
المهنه : 
الهوايه : 
تاريخ التسجيل : 17/06/2008
| | موضوع: رد: يوميّات اتنين مخطوبين الخميس سبتمبر 04, 2008 12:38 pm | |
| انا قريت الجزء بتاع المجوزين كله ورا بعضه بس بجد جميييييييييييييييييييييييييييييييييييييييييييييييييييييييييييييل جدا يادقدوش
ومعلش كنت غيبه عنكز شويه بس قريت كل حاجه يادقدوش زى ماوعدتك
ميرسى كتييييييييييييييييييييييير يا احمد
مستنينك بقى تكملهلنا ومتتاخرش علينا | |
|
| | |
mera
عضو ذهبى
عدد الرسائل : 533
العمر : 32
المزاج : ربنا يعدلهاااا
اعلام الدول :
المهنه :
الهوايه :
تاريخ التسجيل : 17/06/2008
| | موضوع: رد: يوميّات اتنين مخطوبين الخميس سبتمبر 04, 2008 12:40 pm | |
| انا قريت الجزء بتاع المجوزين كله ورا بعضه بس بجد جميييييييييييييييييييييييييييييييييييييييييييييييييييييييييييييل جدا يادقدوش
ومعلش كنت غيبه عنكو شويه بس قريت كل حاجه يادقدوش زى ماوعدتك
ميرسى كتييييييييييييييييييييييير يا احمد
مستنينك بقى تكملهلنا ومتتاخرش علينا | |
|
| | |
دقدوووش
عضو {v.i.p}
عدد الرسائل : 1234
العمر : 36
المزاج :
المهنه :
الهوايه :
الاوسمه :
تاريخ التسجيل : 01/07/2008
| | موضوع: رد: يوميّات اتنين مخطوبين الجمعة سبتمبر 05, 2008 1:50 pm | |
| شكرا ياميرا على مرورك بالقصة
وحمد الله على السلامة | |
|
| | |
دقدوووش
عضو {v.i.p}
عدد الرسائل : 1234
العمر : 36
المزاج :
المهنه :
الهوايه :
الاوسمه :
تاريخ التسجيل : 01/07/2008
| | موضوع: رد: يوميّات اتنين مخطوبين الجمعة سبتمبر 05, 2008 1:59 pm | |
| الحلقة الرابعة
وقفت ارتجف من الغضب والدهشة والحيرة من هذه التى جاءت لتهدم أحلامى فى السعادة وتحادث حبيبى بكل هذا الدلال والذى يحمل فى طياته الكثير من الذكريات المشتركة بينهما ..... من اولها كده ياربى ؟ !
لا اقدر حتى على المواجهة اشعر ان كلامى سيكون صراخا وانا لا أحب ان تسمع الانسة المبجلة الملاصقة لنا انى اتشاجر معه بسببها فهى هكذا ستشعر بانتصار .... نظرت لعمر نظرة نارية تحمل غضب العمر كله وتركته ودخلت لحجرة النوم ووجهى مشتعل من الغضب وأخذت اغرز اظافرى فى الوسادة حتى كادت ان تتمزق من ضغط يدى وانا أغالب الدموع بشدة .. فتبعنى عمر ووضع يده برقة على كتفى وقال لى بكل براءة ( مالك يا سارة فيه حاجة؟ )
فنظرت اليه نظرة نارية وأزحت يده من على كتفى وصرخت فيه ( وكمان بتسأل مالك ؟ انا اللى عاوزة اعرف مين الهانم دى وازاى تكلمك بالدلع ده كله ؟ وايه اللى كان بينك وبينها او يمكن لحد دلوقت كمان )
-رد باستنكار ( لحد دلوقت ؟ حاسبى يا سارة انتى كده بتغلطى! )
- طب يا سيدى ما تزعلش ايه اللى كان بينك وبينها .. يالا احكى لى انا نفسى اشوف فيلم رومانسى من زمان .... واوعى تقولى مفيش حاجة من فضلك انا مش طفلة قدامك!
- رد برفق كأنه خائف على ان اموت من فرط ثورتى : طيب ممكن تهدى نفسك علشان نعرف نتفاهم ؟
- رددت وانا ارتجف : مش ح اهدى الا لما تقول لى كان فيه حاجة ولا لأ ؟
- صمت طويلا قبل ان يجيب بصوت لا يسمع : ايوة كان فيه !!!!!
- انهرت عندما سمعت هذه الكلمة الكريهة وتمنيت ساعتها لو كان كذب على او انكر او فبرك لى اى حكاية وانا كى ارضى غرورى الانثوى سأبتلعها لكن ان يعترف امامى هكذا ... ولم استطع ان اواصل التفكير أكثر فانهارت دموعى بلا توقف .... وأخذنى عمر بين أحضانه وهو يهدهدنى كطفل صغير يرفض النوم ... وقال لى :
الحمد لله انا عرفت دلوقت حاجتين انك مجنونة وعرفت انك بتحبينى جدا والا ايه لازمة الجنان اللى انتى عاملاه ده ؟
وهممت ان أرد ولكن أغلق فمى بيده وهو يقول : بصى ياسارة لغة الصراخ دى مش ح توصل لحاجة ابدا انا ح أقول لك على كل حاجة بس لما تهدى الاول خلاص ؟
- مسحت دموعى كالاطفال وانا اقول اتفضل احكى بس اياك تكدب
- مسح دموعى برفق وقال لى : يا حبيبتى ما كنت كذبت من الاول وخلصت من الفيلم ده وضحكت عليكى وخلاص ... بصى يا ستى انتى عارفة ان دى شقة خالى من زمان جدا ومن واحنا اطفال واحنا بنيجى نصيف هنا وساعات نقضى بالشهرين هنا وانتى شايفة ان الشقق لازقة فى بعض وطبيعى جدا ح يكون لينا علاقة بالجيران وشيرين يا ستى بنت الدكتور محمود جارنا خريجة ألسن وخريجة مدارس لغات وبنت مثقفة ودماغ و جميلة زى ما انتى شفتى ..
- من فضلك بلاش الغزل ده قدامى انتوا متفقين على ولا ايه ؟
- لا ياحبيبتى ده انتى حبى وعمرى كله والله ... المهم انا ياستى حسيت فى فترة من الفترات انى ميال لها وهى كمان بادلتنى نفس الشعور بس عمرى ما حسيت انه حب مكتمل كل ما كنت اجى اخد خطوة ارجع خطوتين حتى انى لم اصارحها ابدا بحبى لأنى ما تأكدتش ابدا من مشاعرى تجاهها ولم تشعرنى هى ابدا بالاستقرار
- لا ادرى لماذا وقتها بعدت الغيرة الحارقة قليلا وشعرت انى احادث صديقا يقص على مشكلة وليس زوجى وسألته : ليه كانت ايه المشكلة بينكم ؟
- المشكلة كانت جرأتها الشديدة وانها دائما مقتحمة وتكلم اى شاب او رجل بمنتهى البساطة والود ولو ما كنتش عارف اخلاقها وتربيتها واسرتها لشكيت فى اخلاقها .... ولكن تكوينى كرجل شرقى متدين ماقدرتش انى اقبل وضع زى ده وكلمتها عدة مرات ولكن بلا فائدة فثقافتها وطريقة دراستها وتربيتها المميزة تجعلها شديدة الثقة بنفسها حتى لا ترى ان حاجز الحياء فى الفتاة له مبرر ... وهكذا أخذت قرار نهائى بالابتعاد وخاصة انى لم اكلمها فى شىء صريح عن مشاعرى وابتعدت عن هذه الشقة لمدة عامين حتى لا اراها .. ودخلتها فقط فى شهر العسل اللى حبيبتى عاوزة تقلبه غم
- هدئت دموعى وانا أشعر بحرارة صدق كلامه لأنه لم يكن مضطر ان يخبرنى كل هذه التفاصيل لو لم يكن صادقا : طيب يعنى حبيتها بجد ؟
- أجاب بسرعة : لا والله بجد كان مجرد انجذاب مش حب والا كنت اتغاضيت عن عيوبها وخطبتها .... انا ما حبتش فى حياتى الا مجنونة واحدة عمالة تعيط زى الاطفال
- امال بتكلمك كده ليه زى ماتكون مراتك وقفشتك مع واحدة تانية ؟
- يا بنتى ماهى اسلوبها كده أعملها ايه يعنى ؟ خلاص بقى يا سارة هو احنا نخلص من الضيوف تطلع لنا الست هانم دى ؟ سبحان الله ده انا سمعت عن شهر العسل ده حواديت الف ليلة وليلة ... واضح انك اخدت مقلب يا واد يا عمر يا ريتك كنت اتجوزت شيرين !
- شيرين ؟! طيب روح لها بقى يا أخويا خليها تنفعك!
وأخذت أدفعه خارج الحجرة وأغلقت الباب على نفسى من الداخل وانا أشعر ان جبل قد أزيح من على صدرى وانى ضخمت الموضوع بغباء قبل ان اعرف الحقيقة ... كم هى قاسية الغيرة وكم أعشق هذا الرجل الاسمر بجنون
- افتحى يا سارة الله يهديكى ... يا بنتى افتحى انا تعبت ... طيب علشان خاطرى ... ده الضيوف أهون يا شيخة ... يا مجنونة افتحى ... طيب يا سارة خلاص براحتك انا ح انزل شوية بس خلى بالك الاودة اللى انتى فيها دى كان دايما فيها فار !... باى يا حبيبتى بقى
- وطبعا فتحت الباب كالملسوعة وانا اصرخ فاااااااااار وأجرى كى ألحق عمر قبل ان يتركنى مع الفاروحدى نقضى شهر العسل سويا وخطوت خطوة واحدة .. وجدت نفسى بين ذراعيه وهو يضحك ولم أستطع الهرب ولا الكلام.............وووووووسكتت شهرزاد عن الكلام المباح ............... | |
|
| | |
ايمي
عضو ملكى
عدد الرسائل : 744
العمر : 113
المزاج : الحمدلله كويس
اعلام الدول :
المهنه :
تاريخ التسجيل : 01/07/2008
| |
| | |
mera
عضو ذهبى
عدد الرسائل : 533
العمر : 32
المزاج : ربنا يعدلهاااا
اعلام الدول :
المهنه :
الهوايه :
تاريخ التسجيل : 17/06/2008
| |
| | |
شعاع امل
عضو ملكى
عدد الرسائل : 773
المزاج : عادي
اعلام الدول :
المزاج :
المهنه :
الهوايه :
تاريخ التسجيل : 01/07/2008
| |
| | |
not found me
عضو جديد
عدد الرسائل : 66
تاريخ التسجيل : 25/08/2008
| | موضوع: رد: يوميّات اتنين مخطوبين السبت سبتمبر 06, 2008 11:47 am | |
| حلقة جميلة يا احمد منتظرين بقية الحلقات متتاخرش علينا | |
|
| | |
Admin أسيرة الحب
مدير المنتدى
عدد الرسائل : 641
العمر : 37
المزاج : بحلااااااات
اعلام الدول :
المهنه :
الهوايه : 
تاريخ التسجيل : 11/06/2008
| | موضوع: رد: يوميّات اتنين مخطوبين السبت سبتمبر 06, 2008 8:01 pm | |
| | |
|
| | |
دقدوووش
عضو {v.i.p}
عدد الرسائل : 1234
العمر : 36
المزاج :
المهنه :
الهوايه :
الاوسمه :
تاريخ التسجيل : 01/07/2008
| |
| | |
دقدوووش
عضو {v.i.p}
عدد الرسائل : 1234
العمر : 36
المزاج :
المهنه :
الهوايه :
الاوسمه :
تاريخ التسجيل : 01/07/2008
| |
| | |
شعاع امل
عضو ملكى
عدد الرسائل : 773
المزاج : عادي
اعلام الدول :
المزاج :
المهنه :
الهوايه :
تاريخ التسجيل : 01/07/2008
| | موضوع: رد: يوميّات اتنين مخطوبين الأحد سبتمبر 07, 2008 6:47 am | |
| | |
|
| | |
Admin أسيرة الحب
مدير المنتدى
عدد الرسائل : 641
العمر : 37
المزاج : بحلااااااات
اعلام الدول :
المهنه :
الهوايه :
تاريخ التسجيل : 11/06/2008
| | موضوع: رد: يوميّات اتنين مخطوبين الأحد سبتمبر 07, 2008 11:35 am | |
| | |
|
| | |
ايمي
عضو ملكى
عدد الرسائل : 744
العمر : 113
المزاج : الحمدلله كويس
اعلام الدول :
المهنه :
تاريخ التسجيل : 01/07/2008
| |
| | |
شعاع امل
عضو ملكى
عدد الرسائل : 773
المزاج : عادي
اعلام الدول :
المزاج :
المهنه :
الهوايه :
تاريخ التسجيل : 01/07/2008
| | موضوع: رد: يوميّات اتنين مخطوبين الثلاثاء سبتمبر 09, 2008 2:22 am | |
|
ايه يا احمد كفاية كدا يلا بقى
نزل الحلقة الجديدة و الا هاخلي البنات كلهم يزعلوا منك
عشان خاطرنا كلنا بلاش تتاخر عن كدا
ايه التشويق اللى هنفضل فيه ده كتير
يا ربي
| |
|
| | |
| | يوميّات اتنين مخطوبين | |
|
) ااه ده فيه اسهم بالورود على الارض كمان ايه الرقة دى ؟ ... واللى بعده مكتوب عليه ( حد يمشى ورا الاسهم برضه ؟ امشى ورا قلبك يا حبيبى وانت تلاقينى ..
