عايز تحرق دم حد قولو النكت ديه

مرة واحدة ست عجوزة قاعدة لوحدها في البيت وبعدين التليفون رن لقت واحد
بيقولها انا الرجل ذو الايدي الملوثة بالدماء انا هاجي لك بعد سنة الست قالت
ده واحدبيعاكس وقفلت السكة المهم اتصل بيها تاني بعد شهر وقالها انا الرجل ذو
الايدي الملوثة بالدماء انا هاجي لك بعد 11 شهر الست بردو قالت ده واحدبيعاكس
وقفلت السكة المهم اتصل بيها تاني بعد شهر وقالها انا الرجل ذو الايدي الملوثة
بالدماء انا هاجي لك بعد 10 شهور الست بردو قالت ده واحدبيعاكس وقفلت السكة
المهم اتصل بيها تاني بعد شهر وقالها انا الرجل ذو الايدي الملوثة بالدماء انا

انا
هاجي لك بعد 9شهور المهم فضلو كده كل شهر يتصل بيها لغاية ما في يوم اتصل
وقالها انا هاجي لك بكرة الست خافت ليكون بيتكلم بجد تاني يوم اتصل بيها
وقالها انا الرجل ذو الايدي الملوثة بالدماء انا هاجي
لك دلوقتي الست خافت اوي
>اوي وفكرت تعمل ايه تعمل ايه وفجأة جرس الباب ضرب فتحت لقت راجل شكله وحش اوي وايديه كلها دم وقالها
انا الرجل ذو الايدي الملوثة بالدماء ممكن اغسل ايدي ؟؟

النكتة الحمرا
في مرة الرجل الاحمر صحي من النوم الاحمر وكان نايم على السرير الاحمر ومتغطي
ببطانية حمرا ولابس بيجامةحمرا المهم صحي من النوم وخرج من الاوضة الحمرا طبعا ودخل الحمام الاحمر وفتح الحنفية لقى المية نازلة حمرا المهم خرج ولبس
البدلةالحمرا (دي غير بدلة الاعدام ) ونزل من بيتهم ركب العربية الحمرا ومشي
في الشارع لقى كل حاجة لونها احمر العربيات والناس والاسفلت والسما وكل حاجة وفجاة جت عربية حمرا سريعة خبطته جت عربية الاسعاف الحمرا شالته وودت المستشفى الاحمر لقى الدكاترة لابسين بالطو احمر وكل حاجة لونها احمر
وفجاة شاف وحد من بعيد لابس اخضر
الراجل خاف اوي واتخض وساله انت ليه لابس اخضر قاله اصل انا من نكتة تانية

صعيدي سافر امريكا شرب من حنفية اوتوماتيك ما عرفش يقفلها قام رجع باول طيارة لمصر..
قام سالوا صاحبو :ازاى امريكا؟
قام قال :اسكت زمانها غرقت يا بوووي..

مقاول جاب مجموعة من الصعايدة لبناء كنيسة وطبعاً عارفين الصعايدة بيحبوا

الغناء اثناء العمل قعدوا يغنوا " هيلا هيلا صلوا عا النبي " المقاول سمعهم

قالهم هاتخربوا بيتي مش معقول تبنوا كنيسة وتغنوا " صلوا عا النبي " غنوا

اي حاجة تانية ، في اليوم التالي سمعهم بيغنوا " هيلا هيلا بص عا الحيطة " بص

للحائط لقاه مكتوب عليه " صلوا عا النبي "

واحد صعيدي شغال في السعودية بعت لى أمه كيلو شيكولاته فاتصلت عليه وقالتله

الصابون اللي بعته بيوسخ الهدوم

صعيدي بيشتغل راعي غنم في السعودية، سألوه أهله: بتشتغل إيه ؟ قال : بفسح المعيز

صعيدى حب يروح حفلة تنكريه راح قطع دراعه

ثلاثة صعايدة قرروا يعملوا مزرعة كتاكيت فحفروا حفرة ورموا فيها الكتاكيت

وقفلوا الحفرة وأستنوا يوم وماطلعتش شجرة الكتاكيت وأعادو المحاولة عدة

مرات ولم تنجح فقررو أن يكلموا أخوهم الذي يدرس في أمريكا و يحضر الدراسات

العليا فقال لهم ابعتوا لي بعض العينات من التربة

الموساد قرر أنه يشغل جاسوس صعيدى عنده بعد طول بحث أستقروا على هريدى

راحوا لهريدى و أخدوه تل أبيب و قعدوا يدربوه 6 شهور و بعدها قالو ليه أنه

كدة جاهز للمهمة بتاعته

هريدى : يعنى حارجع مصر

مدرب الموساد : أيوة .. تروح و تنفذ كل التعليمات اللى قلنالك عليها

هريدى : طب ازاى حاتصل بيكم

مدرب الموساد : لا لا .. انت ماتتصلش .. احنا لما نحب نتصل بيك حانبعتلك مندوب

يقوللك ازايك و ازاى امك .. تعرف أنه تبعنا .. ماشى يا هريدى

هريدى : تحت أمرك يا فندم

و بالفعل رجع هريدى مصر .. و بعد شهرين أحس الموساد انه لازم يتصل بهريدى ..

فراحوا باعتينله مندوب

المندوب لبواب العمارة بتاعت هريدى : هو هريدى ساكن فى أنهى شقة

البواب : أنهى هريدى يا بيه .. العمارة فيها 4 هريدى

المندوب خاف لحسن العملية تنكشف : قولى شقة أى واحد فيهم

البواب : عندك واحد ساكن فى الدور الأول

طلع المندوب و خبط على الشقة اللى فى الدور الأول

المندوب : أنت هريدى .. ازايك و ازاى أمك

هريدى : أنت عايز هريدى الداسوس .. هو ساكن فى الدور الرابع

سئلوا صعيدى : ليه قتلت أبوك

الصعيدى : كانوا عاملين رحلة للأيتام , كنت عايز اروحها

المحققين : طب ليه قتلت عمك ؟

الصعيدى : كنت عايز ابن عمى يسافر معايا

المحققين : طب ليه كنت عايز تنتحر

الصعيدى : أصلهم لغوا الرحلة

الابن: بتعمل اية يابا؟؟

الاب: بكتب جواب لعمك

الابن: هو انت بتعرف تكتب؟؟

الاب: يعني هو عمك اللي بيعرف يقرا يا فالح

واحد دخل مجمع استهلاكى وسأل عن الفراخ فساله الموظف عايز فراخ صاحيه ولاّ مدبوحه؟؟ قال مدبوحه ، قال له اطلع الدور الثانى.......طلع وسأل عن الفراخ
المدبوحه فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور الثالث ..... وقابل موظف اخر وسأله عن الفراخ المدبوحة ومقطعه فقال له
عايزها متكيسة ولاّ لأ ؟؟ قال له متكيسة فقال له اطلع الدور الرابع .....طلع
الدور الرابع وقابل موظف اخر وقال له عايز فراخ مدبوحة ومقطعه ومكيسة فرد
الموظف وقال له مافيش فراخ بس ايه رأيك فى النظام

مرة بطيء وبطيئة كانو بيتمشو على الكورنيش وفجاة بطيء
كان هيقع في المية قامت بطيئة جريت ببطء طبعا وراحت متصلة بام بطيء وقالتلها الحقي بطيء هيقع في المية فردت عليها وقالت لها اتصلي بابو بطيء على ما اجي قالتلها حاضر واتصلت بابو بطيء قالها طب اتصلي بمامتك وانا جاي على طول اتصلت بطيئة بمامتها فقالتلها طب اتصلي بابوكي وانا هاجي ببطء
اتصلت بطيئة بابوها وقالها طب اتصلي باخو بطيء وانا جاي اتصلت باخو بطيء
فقالها طب انا هاروح اجيب اخت بطيء وهنيجي ببطء قالتله بس اوعو تتاخرو قالها
حاضر المهم العيلة كلها وصلت لقو بطيء لسة بيقع ببطء فلحقوه قبل ما يقع في المية
وخدوه وروحوا

لعب بالنار

هههههههههههههة
لا بجد نكت رخمة رخمة
بس عسل