نكت تمــــــــــــــوت

راجل عنده تلاته ولاده كبار ... الراجل كبر أوي وبيموت فطلب يشوف ولاده ... جابوهمله
قعدوا معاه لوحدهم
بدأ ينصحهم ...
أنا قبل ما أموت عاوز أقوللكم حاجة
يا ولاد أنا عاوزكم إيد واحدة
أوعوا تسيبوا بعض
نفسي أموت وأنا مطمئن عليكم
لو كل واحد بقى لوحده هايضيع
لو كل واحد فيكوا بقى لوحده هايبقى ضعيف جداً زي الخشبة دي ... وطلب من واحد فيهم يكسرها فضربها بإيد واحدة فانكسرت
قاللهم ... لكن لو خشبتين مع بعض يبقى كسرهم صعب شوية وطلب من نفس الولد يكسرهم فضربهم بإيد واحدة برضه كسرهم
قاللهم أما بقى لو بقوا تلات خشبات مع بعض فلا يمكن ينكسروا أبداً وطلب من نفس الولد يكسرهم فضربهم بإيد واحدة برضه كسرهم

سكت الراجل شوية .... وبصلهم وقاللهم طول ما معاكم البغل ده هاموت وأنا مطمن عليكم

محشش شاف يابانى بيتكلم وهو قافل ودانه. سألة المحشش انت ليه قافل ودانك فرد اليابان عليه وقاله احنا من تطور الكنولوجيا بقينا نكلم بعض بالدورة الدموية واشارات العين .
وفجأءة قام المحشش ينتفض بكل اطرافة فسأله اليابانى مالك بتترعش ليه قاله لا ابدا انا بس باستقبل فاكس

مرة واحد مدرس عربي بيقول نكتة في حصة الأملاء .. فقال نكتة ومن أول السطر ...

واحد راح مطعم في فرنسا.كان عايز يطلب شوربه قال للجرسون(جارسوه عايز واحد شوربوه) فالجرسون قاله باردون؟ قال الراجل لا سوخنوه

ليه الفيل بيلبس شرابات خضرا؟
عشان خضرا لابسة شراباته

مرة واحد سايق عربيته وجه يلف الصينية ... الشاي اتكب ..

ممثلة جالها دور برد رفضته

مرة واحد صعيدى ركب دماغة داس 3 عيال

واحد مسطول راح معمل التحاليل وقال لهم :
إنتو إزاي بتحللوا البول و بتحرموا البيرة؟

واحد حشاش سأل شيخ : قال له صحيح الصلاة ماتنفعش من غير وضوء ،
الشيخ قال له طبعاً ما تنفعش ..
قام قال له الحشاش : وإيه رأيك بقي اللي جربها وظبطت!!

عالم بلدياتنا يقوم بتجربة هامة في كلية العلوم قسم الحيوان علي الضفادع جاب ضفدعة سليمة و قالي فطي فنطت الضفدعة بقوة
فقطع رجلها الامامية و قال لها فطي فنطت الضفدعة بقوة
فقطع رجلها الامامية الثانية و قال لها فطي فنطت الضفدعة بقوة اقل
فقطع رجلها الخلفية و قال لها فطي فنطت الضفدعة بصعوبة
فقطع رجلها الخلفية الثانية و قال لها فطي فلم تتحرك الضفدعة
فصرخ بصوت اعلي و قال لها فطي فلم تتحرك الضفدعة
هنا ارتسمت علي عالمنا ابتسامة الرضا و النصر وكتب نتيجة التجربة بكل ثقة :
بعد قطع الرجل الرابعة للضفدعة تفقد حاسة السمع

واحد صعيدي طلع عليه الفجر قتله

واحد صعيدى لقى مصباح علاء الدين فضل يحك فيه لغاية ماالعفريت جاله تسلخات

جماعه ارهابيين أغبياء حبوا يفرقعوا مدرسه حطوا القنبله فى الدور الاول واستخبوا فى الدور التانى

اتنين محششين بيتفرجو على مطش فالمزيع بيقول "دربكه فى الدفاع،
دربكه فى خط الوسط، دربكه فى الهجوم، أوبااااا جوة الجون" فالمحشش
قال لزميله "إظاهر ان دربكه ده لعيب ميه ميه

هههههههههههههههههههه

حلوين اوي اوي اوي يا اسلام

يموتوا من الضحك والله وخصوصا ان فيهم حاجات انا لاول مره باسمعها

وبلاش تجيب حاجات علي بتوع اللغه العربيه بقي عشاني ع الاقل

مرة واحد مدرس عربي بيقول نكتة في حصة الأملاء .. فقال نكتة ومن أول السطر ...

بس كده ده انتى تؤمرى يا ايمى دا انا حدور على نكت كل المدرسين بتوع كل المواد ما عدا العربى

ههههههههههههههه
حلوين يا اسلام