اسئلة عن الحب الكل يجاوب

- هل يختلف معنى الحب عبر العصور؟
انا اعرف ان الحب منذ خلق ادم و هو زى ما هو لكن مش الحب اللى بيختلف الانسان هو اللى بيختلف في طباعه و في كل شئ

- ما هو تأثير العمر على معنى الحب في المراحل التالية ( مراهقة ,
شباب , بعد الأربعين )
الحب في المراهقة مش بيكون حب لانه بيكون مراهقة
الحب في الشباب بيكون حب بس لو موجود التفاهم بين الطرفين
الحب بعد الاربعين بيكون مراهقة متاخرة

- فرق العمر بين الطرفين هل يؤثر على علاقة الحب؟
بصراحة انا اعتقد لو الفرق بان الرجل بيكون هو الاكبر بيبقى مفيش تاثير لان دا الطبيعي
انما لو كانت البنت هى الاكبر اكيد بياثر و ان المفروض كل واحد و واحدة تاخد بالها كويس

- أيهما أنجح ,الزواج عن طريق الأهل أو عن معرفة سابقة؟
بصراحة ثبت انه الانجح هو اللى بيكون عن طريق الاهل
لانه بيكون الكل شايف ان الانسان دا او الانسانه دي كويسة فليه انا اشوف انه مش مناسب و اكيد مع مرور الايام و العشرة بيحبوا بعض كما لو كانوا يعرفوا بعض من زمان

- هل ممكن ان تحب أكثر من مرة؟
بصراحة مش عارفة
لكن اعتقد لا بس لو ضاع مني حبي الاول
اكيد مش هدور على الحب تاني

-هل يمكن أن يكره الأنسان الشخص بعد أن أحبه؟
لا طبعا اللى يحب عمره ما يكره و ما ينفعش انه يجتمع الحب و الكراهية في قلب انسان عرف معني الحب

- هل للمادة دور رئيسي في استمرار الحب؟
لا طبعا مش دور اساسي لان اللى بيحب بجد هيتحمل مع حبيبه في اى ظروف

- نجاح الحب مستحيل أم ممكن , و كم نسبة نجاحه؟
بصراحة مش ديما انه بيكون مستحيل لانه بيتوقف على الاشخاص نفسهم
يعني هو بايدهم انه ينجح او لا
لكن انا بدعي لكل اللى بيحبوا ان حبهم ينجح و ربنا يجمعهم على خير
نسبة نجاحة بصراحة ما اقدرش اجزم بنسبة انا ما اعرفهاش

- هل يمكن أن يستمر الحب في حال تغير الطرف الآخر من نواحي :
أ- عاطفية ب- غير عاطفية
في حالة تغير حال اى حد من الطرفين طبعا استحالة انه يستمر الحب
هو اه بيستمر في قلب الطرف التاني لكن يستمر بينهم ما اعتقدش

- أيمكن للحب ان يغير مجرى حياتك؟
اكييييييييييد طبعا لانه بيغير مجري الحياة كلها
كون انك تلاقي شخص مهتم بيك و بيحبك لكيد هتلاقي تغيير

- البعد أيخفف المشاعر أم يلهب الأشواق؟
و الله على حسب شخصية الحبيب يعني فيه ناس لما بتبعد بتحس بغربة و بترجع لحبيبها
انما فيه ناس مش بتفرق معاها بس دا انا مش بعتبره حب

- هل يتغير الحب بعد الزواج؟
مش عارفة ان شاء الله لما اجرب هابقى ارجع ارد على السؤال دا

- بوجود الحب أيشترط وجود السعادة؟
و الله اكيد و المفروض انه بوجود الحب تتوجد السعادة

- هل الغيرة ضرورية في الحب و ما دورها ؟ سلبي أم ايجابي؟
و الله هى الغيرة ضرورية لكن الغيرة الحلوة اللى مش بتخرب البيوت
او بتضيع الحب انا عن نفسي انا احب ان حبيبي يغير عليا
لكن لما توصل لدرجة الشك فدا اكيد ما يلزمنيش

و انا اسفة اني طولت عليكم بس بجد موضوع يستاهل
تسلم ايدك يا محمد و بجد موضوع رائع