مني وأحمد واقفين في عز الضهر علي الكوبري مني: "برومانسية" شايف النجوم يا أحمد أحمد: نجوم ايه بس في عز الضهر دا أنا الشمس حرقت افايا مني: الله ياأحمد بص السحابة اللي هناك دي اللي عليها العصافير أحمد: لا والله ياحبيبتي أنا مش شايفها بس شايف دخان عربيات خنقني مني: يووووووووووووه يا أحمد خليك رومانسي شوية أحمد: رومانسي إيه بس وأنتي مخرجاني في عز الضهر كده أنا الشمس كلت وشي وقالت أنا شبعت مني: انت مش بتحبني والا ايه أحمد: ياستي بحبك مني: لأ انت كذاب انت مش بتحبني أحمد: يعني أولع في نفسي بجاز عشان تصدقي اني بحبك مني: "والدموع علي خدها" لا يا أحمد أنت تغيرت خالص أحمد: ياحبيبتي والله بحبك مني: لأ يا أحمد متصلحش اللي أنت عملته أحمد: وهو أنا كنت عملت إيه بس مني: "تعيط" اهئ اهئ اهئ أحمد: بتعيطي ليه دلوقت مني: أحمد طلقني يا أحمد أحمد: هو احنا لسة اتجوزنا عشان اطلقك مني: يعني كمان مش عايز تطلقني أحمد يشد في شعره: يادي الليلة السودا أنا ايه اللي خرجني بس مني: كمان خليتها ليلة سودا.. يعني أنا اللي خرجتك غصب عنك أحمد: ياستي مش قصدي. بصي أنا مش هرد عليكي عشان مانتخانقش مني: للدرجادي قرفان مني أحمد: "وشه يحمر من الغيظ" يعني انتي عايزة تتخانقي وخلاص مني: يعني أنا نكدية يا أحمد أحمد: لأ...... أنا مني: انت بتاخدني علي اد عقلي أحمد: حقك عليا وادي رأسك ابوسها مني: ياسلام كده بكل بساطة فجأة يقف أحمد علي سور الكوبري ويرمي نفسه في الميه مني: تفتكر يا أحمد اني كده -هسامحك.........
ايه رايكم فى احمد ومنى ياريت اعرف رأيكم متنسوش
[/right]
عدل سابقا من قبل mera في الأربعاء أكتوبر 15, 2008 2:04 pm عدل 1 مرات
ايمي عضو ملكى
عدد الرسائل : 744 العمر : 114 المزاج : الحمدلله كويس اعلام الدول : المهنه : تاريخ التسجيل : 01/07/2008
موضوع: رد: منى بتحب ؟ السبت أكتوبر 11, 2008 1:29 am
هههههههههههههههههههههههههههههههه قمه الرومانسيه
دا البت منى دى بارده اوىىىىى
دا ليه حق يعمل فى نفسه اكتر من كدا شكرا يا ميور علي القصه الجميله دي
شعاع امل عضو ملكى
عدد الرسائل : 773 المزاج : عادي اعلام الدول : المزاج : المهنه : الهوايه : تاريخ التسجيل : 01/07/2008
ههههههههههههههههههه بجد احمد ليه حق يعمل اكتر من كدا ايه مني دي دي حقنة بيقولها بحبك مش مصدقة يسكت تقوله انت قرفان يعمل ايه الراجل كان لازم يعمل كدا لا و دي غلسة اوي تقوله تفتكر يا احمد في كدا هسامحك ربنا ياخدها ضيعت الواد تسلم ايد يا ميرا بجد قصة جميلة
النقيطى عضو جديد
عدد الرسائل : 65 العمر : 39 المزاج : مطمئن النفس بالله تاريخ التسجيل : 17/09/2008
يا جامد بس وربنا انا لو مكان احمد هرنها علقة وانا اللى ارميها من على الكوبرى وارتاح من الغيظ موضوع يجنن ميرا
SOLOM عضو ملكى
عدد الرسائل : 721 المزاج : المهنه : الهوايه : تاريخ التسجيل : 22/06/2008
موضوع: رد: منى بتحب ؟ الجمعة أكتوبر 17, 2008 6:55 am
انا مع مى والفرعون انه لازم كان اداها علقه موت الاول ده كمان المفروض يعذبها وبعدين يرميها من على الكوبرى ويتاكد انها ماتت خالص وبعد كده يروح بيتهم ياخد دش ساقع ويطرى على نفسه
دقدوووش عضو {v.i.p}
عدد الرسائل : 1234 العمر : 37 المزاج : المهنه : الهوايه : الاوسمه : تاريخ التسجيل : 01/07/2008
ليه يا جماعة كل دا هو اصلا اللى غلطان من الاول انه يحب واحدة زى دي دي حقنة ايه دا دا لو انا كنت ولعت فيها هى انما انا اضيع نفسي ليه يعني تسلمي يا ميور على القصة الجميلة دي
احمد يوسف عضو نشيط
عدد الرسائل : 239 المزاج : مدلع نفسى اعلام الدول : المزاج : تاريخ التسجيل : 12/06/2008
البت دى عبيطه ولا بتسعبط شكلها عايزه تتلسع المين يفوقوها من الغيبوبه اللى هى فيها ربنا ياخدك يا منى وياخد امثالك قادر يا كريم ويحرق ابو الحب اللى يجيبلى سكته قلبيه من الغيظ ده
موضوع: منى بتحب ؟ 
الجمعة أكتوبر 10, 2008 10:09 pm
