هى دى اخره الجواز

حوار لطيف بين زوج مع زوجتههو: حبيبتي أنا حأطلب بيتزا ، عايزة حاجة ؟

هي: لا يا حبيبي

هو : اوكي

هي: ولا اقولك ..؟

هو: ها ، أطلب لك كمان ؟

هي: مش عارفة

هو: مش عارفة اذا كنتي عايزة ؟

هي: لا

هو: انتي جعانة ؟

هي: يعني

هو : يعني إيه يعني...؟

هي: يعني مش متأكدة اذا كنت جعانة ولا لأ.

هو: الواحد لما بيكون جعان بيعرف

هي: لأ بس يمكن اجوع بعدين

هو: يعني اطلب لك بيتزا؟

هي: طيب واذا ما كنتش جعانة وقتها..؟

هو: ما تاكليش

هي : بس ده كدة يبقى تبذير

هو: خلاص ، تبقي تاكليها بكرة

هي: و اذا ما كانش لي نفس آكل بيتزا بكرة؟

هو: مش محتاجة نفس ، الواحد عادي ممكن ياكل بيتزا كل يوم

هي: انا لا .. أنا مش باكل بيتزا الا لما يكون عندي نفس للبيتزا

هو: طيب بلاش ، أطلب لك حاجة تانية؟

هي: بس أنا مش عايزة حاجة تانية

هو: يعني عايزة بيتزا؟

هي : لا

هو: يعني مش عايزة حاجة؟

هي: لأ برضه

هو : جننتيني ، طب أعمل إيه؟

هي: اطلب انت لنفسك

هو: الحمد لله ، اخيرا .. ماشي ..

هي : بس اطلب بيتزا بالتونة

هو: نعم ؟ انا مش بحب البيتزا التونة

هي: بس انا بحبها

هو: وانتي مالك ؟ هو انا حاطلب ليا ولا ليكي

هي: ليك طبعا

هو: طيب أطلبها ليه بأة بالتونة...؟

هي: يمكن اجوع لما يوصل الاكل

هو : وبعدين؟

هي: يا سلام ، يعني تفتكر آكل حاجة مش عاجباني؟

هو: ليه هو انتي – أصلاً - عايزة تاكلي؟

هي : ليه لأ ؟

هو: يا مثبت العقل .. هو أنا حاطلب بيتزا لي , عشان احتمال انتي تاكليها اذا كنتي جعانة؟؟

هي: بالضبط

هو: وأنا بلاش آكل؟

هي: يمكن وقتها أكون مش جعانة

ملاحظة

محكمة الجنايات قررت تبرئة الزوج من تهمة
'قتل الزوجة مع سبق الإصرار والترصد'
وتحويل التهمة إلى ..
'قتل الزوجة دفاعاً عن النفس'

ايه يا ميرا مالك متعقدة من الجواز ليه بس
مش كل الجواز كدا

هى دى اخره الجواز 661-wonderful-AbeerMahmoud

ايه يا ميرى يعنى لازم تعرفى الكل انيك مجننه الراجل جوزيك هوى الصراحه الحريم عوزين صاااااااااروخ ارض جو ينسفهم

شكرا يا باشا على المواضيع الفكايه الجميلده دى

بصراحة مش شايف جديد
انا اى نعم مش اعرفك كويس
بس متاكد انك هتخلصى على الراجل من اول يوم
وهنصحى الصبح نقرا اسمك فى صفحة الحوادث بالبنط العريض
زوجة تذبح ذوجها فى يوم الزفاف
ومن فوق الخبر صورتك
ميرسى ميرا

لا متقلقش يا فرعون جوز ميار بيعرف يدافع عن نفسه اصله ليه فى الاكشن بس المهم انها متعملش معاه كده علشان ميموتهاش دفاعا عن النفس

اقولك انا يا محمد اخرة جوز ميرا هتبقى ايه
دي مغلبانا و الله مش عارفين نثبت لها على عريس
كل ما ييجي عريس تطفشه و هوريلك اخر عريس لميرا
كانت نهايته ايه
هى دى اخره الجواز Funy6qo

شوفت يا محمد الغلبان حصل له ايه
ما لحقش يفرح باليلة السودا دي
ما تزعليش مني يا ميور
كان لازم اقولهم على حقيقتك
هههههههههههه
اى خدمة يا ميرا

حرام عليكو ياجماعه ده انتو فهمنى غلط خالص

وبعدين يعنى انتو شيفنى مخلصه على رجاله البلد وبتقرو فى الجرنان كل يوم مصرع زوج على يد زوجته فى ظروف غامضه
ولا اكون اطلقت قبل كده 250 مره ده انا لسه بقول يارب افرجها انتو كده حطفشوولى العرسان
ده انا حدلعو اخر دلع ده انا حخليه يجوزنى كل يوم ده انا حبقى معاه نسمه وعشان تصدقو انا حعملكو يوميات جوز ميار حيحكلكو اد ايه هو سعيييييييييد معايا ححطها هنا فى المنتدى بس قولو يارب
ومش حقلكو ميرسى على المرور والموضوع ده حيتلغى خاااااااااالص
وبعدين يا محمد خاف على نفسك ده انت لسه جديد وعبير ماشى ياعبير ده انا زعلى وحش وانتو كده طفشطولى العرسان وانا بقى حتحول ده انتو ناس ميفعش معاكو الطيب ابدا

انتي زعلانه ليه يا ميرا
هي عبير غلطت
دي بتقول حقيقه
ولا اللي يقول الحق في الزمن دا يبقي غلطان
ما تزعليش يا ميار وخلي عندك ثقه في نفسك

وبعدين دا هزار في هزار