الاعتذار ....التسامح.....الانتقام

الإعتذار - التسامح - الانتقام ؟؟؟

ماهو الإعتذار؟

الإعتذار هو فعل نبيل وكريم

يعطي الأمل بتجديد العلاقة وتعزيزها

هو إلتزام ... لأنه يحثنا على العمل على تحسين العلاقة وعلى تطوير ذاتنا

الإعتذار فن له قواعده و مهارة إجتماعية نستطيع أن نتعلمها

وهو ليس مجرد لطافة بل هو أسلوب تصرف

ماذا يستوجب الإعتذار الصادق ؟

يستوجب الإعتذار الصادق :

أولا ًالقوة للإعتراف بالخطأ..

ثم الشعور بالندم على تسبيب الأذى للآخر ..

و إستعدادنا لتحمل مسؤولية أفعالنا

من دون خلق أعذار أو لوم الآخرين

ويجب أن تكون لدينا الرغبة في تصحيح الوضع

من خلال تقديم التعويض المناسب و التعاطف مع الشخص الآخر

ما هي فوائد الإعتذار؟

للإعتذار فوائد كثيرة أهمها:

= أنه يساعدنا في التغلب على إحتقارنا لذاتنا وتأنيب ضميرنا..

= وهو يعيد الإحترام للذين أسأنا إليهم و يجردهم من الشعور بالغضب ..

=و يفتح باب المواصلة الذي أوصدناه..

وفوق هذا كله هو شفاء الجراح والقلوب المحطمة..

ما هو السماح؟

السماح هو ما نفعله عندما نتخطى مشاعر الغضب

الناتجة عن أذى تعرضنا له

والسماح لا يعني النسيان

بل هو محاوله للتقدم للأمام

ويؤدي إلى السلامة العقلية والجسدية

ولا يكفي أن نقول سامحتك

وإنما يجب أن نغيير سلوكنا

و السماح لا يعني الصلح وإستئناف الحياة مع المذنب

ومن أنبل الأمور التي نقوم بها ( السماح الأحادي )

حيث ليس بالضرورة في هذا السماح

إعتراف المذنب بذنبه لتسامحه

ما الفرق بين السماح والإعتذار؟

السماح أصعب بكثير من الإعتذار ,

و الإعتذار واجب ولكن السماح ليس بواجباً

إنما فضيلة ولا يجوز فرضها

و السماح لا يحصل بين ليلة وضحاها

وإنما هو عملية تتطلب وقتاً وتفكيراً

ما هو الإنتقام؟

إذا المذنب لم يعتذر أو إذا إعتذر ولم يُسامَح ,

فالإنتقام من ردات الفعل الممكنة

و الإنتقام قد يولد الفرح ولكنه لا يدوم طويلاً

وغالباً ما يكون ثمنه غالياً

و الشعور بالرضا الناجم عن الإنتقام مرفوض

لأنه يكون على حساب الآخر

فالرغبة بالإنتقام تشوه ذاتك وتحولك إلى شخص شرير

مثلك مثل من أذاك

و الشر عادة ينقلب على صاحبه في نهاية المطاف

و الإنتقام لن يوصلك إلا إلى خراب حياتك ودمارها

الاعتذار ....التسامح.....الانتقام F115

حلو اوووووووووى ياعمرو الموضوع ده كالعاده طبعا

فعلا ياعمرو الاعتزار حاجه جميله اوى بس مفتكرش انو بيبقى سهل حتى لو الواحد غلطان هى احلى حاجه فى الاعتزار انها بتفرح القدامك وبتهديه فى نفس الوقت من نحيتك

بالنسبه للتسامح حلو ومش حلو هو لازم يبقى موجود لاكن مش مع كل الناس ومش مع كل الغلطات واوحش حاجه فى التسامح لما تسامح حد على حاجه ميفعش يتسامح عليها ومش عارف ليه انت سمحتوه

الانتقام مابحبوش بس سعات بيحصل معايا عشان مبقاش كدابه

الاعتذار ....التسامح.....الانتقام 339-th10

مشكور يا عمور على الموضوع الهايل لانه فعلا موضوع حلو اووى بص هو الاعتذار حاجه كويسه جدا والتسامح بصراحه احلى بس انا بصراحه افضل ان اللى يعتذر ميتكلمش كتير لو غير فعله يبقى احسن بكتير والمفروض ان اللى يعتذر ميستناش مقابل من الشخص اللى قدامه اما بقى الانتقام فهو ساعات بينفع بس لما الواحد بيجيب اخره وخصوصا بينفع مع واحد عصبى زيى بدل ما اموت بغيظى وبردو تانى احب اقللك شكرا على الموضوع الهايل ده

شكرا ليك يا عموووووووووووور علي موضوعك الرائع ده
انت دايمامواضيعك رائعه ومفيده جداااا
انا بحب التسامح لانه بيكون افضل
الاعتذار جميل بس لما بيكون الشخص غلطان بس
مش علشان يرضي الطرف الاخر وخلاص
اما الانتقام انا عن نفسي مش بحبه خالص وعمري ما اتحطيت في الموقف ده نهائي

الاعتذار ....التسامح.....الانتقام 449234966b

الاعتذار ....التسامح.....الانتقام 449234966b

شكرا لييك ياعمور على المواضيع المفيده

الاعتذار شى جميل ومطلوب وفعلا لابد ان الشخص يكون قد المسئوليه عن افعاله ويتحمل النتايج لان كلمة الاعتذار سهله بس المقصود الفعل مش الكلام

والتسامح شى افضل وافضل ومش اى حد يسامح على حسب الشخصيات لانه اصعب من الاعتذار

والانتقام ربنا يعفينا منه مبحبوش بس سعات بيجيب مع ناس

[center]إذا قيل حلم قل فللحلم موضع ##### وحلم الفتى في غير موضعه جهل[/center]

بسم الله الرحمن الرحيم

اولا :احب اشكر كل اخواتى واصدقائى الى مروا بالموضوع
ثانيا :احب ابين وجهه نظرى الشخصيه او جانب من شخصيتى اقصد
لان الموضوع بيبن المثاليه وطبعا ما فيش فينا ملايكه
بالنسبه للاعتذار : انا طبعا واكيد لما بغلط ما عنديش مشكله نهائى فى انى اعتذر وارضى باى ترضيه طالما انى غلطان فعلا
بالنسبه للتسامح : انا برده بحب اسامح وبحاول اسامح بس فى حاجات معينه ومش كتير
انا مش بنسى الاساءه بسهوله ومش بسامح فى حقى تقريبا الا فى اضيق الحدود رغم انى بحب التسامح وبحاول اسامح
بالنسبه للانتقام:
دى ما اقدرشى انكرها فيه انا استحاله اسيب حقى انا مش عصبى ووقتى ياعنى مش وقت الحاجه اتنرفز واعمل اى حاجه وخلاص لا بالعكس انا باخد حقى لما اهدى وافكر مع نفسى واشوف هاخد حقى ازاى حتى لو طالت المده وعلشان كده انا زعلى وحش زى ما بيقولوا

ميرسى ليك ياعمرو موضوع جميل

وطبعا الاعتراف بالحق فضيلة
وبدام الواحد اعتذر معناه انو اعترف بغلطوة
بس برضوة فى ناس متستهلش الاعتذار لانها مش بتقدروة
لكن التسماح ده بيحتاج قدرة مش بتكون عند اى حد وسعات بيجى مع الوقت
اما الانتقام فى ده بيجى نتيجة الانفعال لكن مش شرط تنفيذ انتقامك ده
يعنى ممكن يبقى تهديد ووعيد نتيجة ساعت غضب لكن ساعت تنفيزوة
الوضع بيختلف نهائى

ايه يا عمرو المواضيع الجامدة دس
بصراحة انا اه ممكن اعتذر لما بكون غلطان
و مش بحب حد يزعل مني بس مش لدرجة اني اعتذر و بس
لازم اكون غلطان بردوا الاعتراف بالحق فضيلة
اما بالنسبة للتسامح انا بردوا متسامح جدا
و قلبي ابيض اوي مش بحب اشيل جوايا
اما بالنسبة للانتقام فدي حاجة انا مش بحبها
مشكووووووور يا عمرو على الموضوع الجميل دا

الله عليك يا عمورة على المواضيع الجامدة دي
انا بصراحة عن نفسي مش بقدر اعتذر لحد لان بتكون دموعي سابقاني
حتى ولو كنت انا الغلطانة مش بقدر اقول( انا آسفة )
اما بالنسبة للتسامح فانا متسامحة جدااااا و قلبي ابيض اوى
بنسي الزعل بمجرد ما اللى انا زعلانة معاه يكلمني
انا الانتقام فدا انا ماليش فيه اصلا
اه انا مش بحب حد ياخد حاجة مني من غير رضايا
لكن مش بتوصل لحد الانتقام
تسلم ايدك يا عمورة على الموضوع الجميل دا