احنا بس بنهظر

في حياتنا اليومية كرجال نستخدم تشبيهات كثيرة للمرأة.. أحياناً تكون على سبيل المدح وأحيانا كنوع من: فشّ الغلّ لا أكثر
في هذه الرسالة أختار لكم بعضاَ من تلك الأقوال مع الاعتذار بالطبع لنصفنا الثاني الأجمل والأرق.. الذي يشاركنا حياتنا حلوها ومرّها
*******
الست زي عربية الإسعاف.. لمّا تفتح السارينة لازم توسّع لها
الست زي الشتيمة.. بتلفّ تلفّ وترجع لصاحبها
الست زي كتب الفلسفة.. كل ما تيجي تدوّر على إجابة تتورط في أسئلة جديدة
الست زي الحكومة.. دايما محتاج معجزة علشان تعرف تغيّرها
*******
الست زي الكتاب الحلو .. أول ما تخلصه تبقي عايز ترجع تقراه من الأول تاني
الست زي الجورنال.. تقراه من ورا لقدّام
الست زي الطريق الصحراوي.. الغلطة عليه بحادثة
الست زي شاحن الموبايل.. معظم الوقت مالوش لازمة، بس في في لحظة بيبقى كل حاجة وأهم حاجة
*******
الست زي التليفزيون.. من النادر انه يعرض الحاجة المناسبة في الوقت المناسب
الست زي المسمار.. الاتنين مايجوش غير بالدق
الست زي نادي الزمالك.. جمالها في ضعفها
الست زي جهاز الكمبيوتر.. ماحدش يعرف هيّ بتشتغل ازاي غير اللي عملها
*******
الفرق بين الست زمان والست دلوقتي.. زي الفرق بين الجنيه زمان والجنيه دلوقتي
يقولون عن المرأة عندما تتزوج أنها عثرت على: عَدَلها.. بما يعنى أن المرأة تعيش حياتها مقلوبة إلى أن تعثر على رجل: يعدلها
و يقولون عن الرجل عندما يتزوج أنه عثر على: نصف دينه، بما يعني ان الرجل يعيش حياته: شبه كافر.. إلى أن أن يعثر على المرأة التي تجعله: يآمن بالله