الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 مقارنة بين الطفل البيئة و الطفل الهاى لايف....

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mera
عضو ذهبى
عضو ذهبى
avatar

انثى
عدد الرسائل : 533
العمر : 26
المزاج : ربنا يعدلهاااا
اعلام الدول :
المهنه :
الهوايه :
تاريخ التسجيل : 17/06/2008

مُساهمةموضوع: مقارنة بين الطفل البيئة و الطفل الهاى لايف....   السبت سبتمبر 13, 2008 3:43 pm


دي مقارنه بسيطه بين شريحتين من المجتمع المصرى (الطفل الهاى لايف) ... و (الطفل البيئه) يلا نشوف:

الطفل الهاى لايف:
1-الولد من دول يصحى على صوت الكناري اللي في اوضته
- سو سو سو سو

2-يدخل الحمام ياخد شاور .... ويغسل شعره بشامبو من ايطاليا .... ويحط جيل بالموز من فرنسا ويغسل أسنانه بمعجون سيجنال تو

3- يطلع من الحمام يلاقي الدادا مستنياه بفوطه من حريييييير .... وتلاعبه وتهزر معاه بالانجليزي
- الدادا معاها دكتوراه من جامعة اسفخص في لندن!
4-يخش على اوضته ... ويفتح الدولاب ويطلع منه هدومه المكويه واللي ريحة اريال باينه فيها
- اريال .... نسيم الصباح
5- يجيب جزمته من الجزامه ... اللي مليانه جزم وكوتشيهات ... وسبووورز
- تقولش دخلت محل لطفي أو توكيل تمبرلاند
6- ينزل يفطر مع مامي ودادي ... والفطار كورن فليكس بطعم الستروباري(الفراولة) او الشوكولات
- كورن فيليكس كلووقز .. مش بسكو مصر
7- يسلم على مامي ويبوسها بعد ماتكون حطتله ديناربوكس بتاعه وفيه .... ساندوتشين تشييييز و كيس شيبسي و عصير جهينه او ايزي موزوو
- ايزي مووزو !!!! فاكرين الاعلان ده ؟؟؟
8- يسلم على دادي اللي يديله البوكيت موني بالدولار ..... مش يعرفه حاجه اسمها جنيه!
- جنيه ايه؟؟؟؟ دي عملة انكردت من زمااان! [img(66,49):b20c]http://www.leblover.com/vb/images/smilies/020104_emM11_prv[1].gif[/img:b20c]
9- يطلع من البيت بعد الدادا ماتلبسه الشنطه بتاعة الكتب على ضهره
- بنشوف الشنطه دي مع الخواجات في شرم وبس

10- يركب الباص بتاع السكول .... ويشاور (باي باي) للدادا ولمامي ... ويركب مع زمايله ويغنو بالانجليش او الفرينش

- فريدرو جاكو .... فريدرو جاكو ... هايللبووه

الطفل البيئة
1- طااااااااااخ!.... اخوه رمى عليه طوبه عشان بقاله ساعتين بيصحي فيه ... وهو ولا هنا
- طبعا .. مقضيها صرمحه في الشارع للفجر
2- العيال دي ماتعرفش اختراع اسمه (غسيل الوش بعد ما تقوم من النوم) .... هو شوية خناق مع اخواته ويبقى صحصح على الآآآآآآآخر
- بدل تمارين الصباح ... رياضه برضه
3- طبعا بعد الخناق ده بيبقى جعان ... تلاقيه بيحوم في الشقه ويدوّر في المطبخ على اي حاجه .... انشالله صرصار .. برضه هاياكله من الجوع
- عشان كده ماتلاقيش في بيتهم صراصير أبداً!
4- بعد ما يحط في بطنه اي حاجه في رغيف ... يدور على اي حاجه يلبسها .... القميص مرمي تحت السرير ... ويقلع اخوه الصغير البنطلون بتاعه وهو نايم
- هدومه كلها مكرمشه ... تقولوش طالعه من بق كلب
5- طب وبعدين .... ساعتين بيدور على الجزمه ... مش عارف رزعها فين ... واخوه الكبير خارج من البيت حافي كمان عشان مايقولش انه خدها ... افتكر اخيرا انه حاطط فرده منهم فوق الدولاب .... والتانيه ... تحت التلاجه
- طبعا ما يعرفش اختراع اسمه الشرابات
6- دلوقتي معاد حرب كل يوم:
ماما ... انا عايز مصروفي
: مصروف ايه ياااااض ... انت مش واخد امبارح .. ولا كل يوم مصروف مصروف
: يعني مافيش اي حاجه ؟؟؟
ممممم....و دى تيجى بردو يا حبيبى
فى دى: طااااااااخ....ضربة بالحله على نفوخه
7- الباشمهندس الصغير .... مايعرفش فين كتبه ولا كشاكيله اصلا .... عشان كده ... خد اي كتاب موجود في البيت على اي كشكول
- مايعرفش يعني ايه قلم .... غير اللي بياخده على قفاااه
8- هايروح مدرسته ازاي ؟؟؟ طبعا اي ميكروباس او عربيه نقل وقضيها شعبطه
- ليااااااااااااااااااااااااااااقة

في طابور المدرسة
الطفل الهاى لايف
1- العيال كلهم واقفين في صفوف شكلها يفرح .. ده غير ريحتهم اللي زي الفل
- نضافه رباااااااااني
2- الطابور كله تمارين ونشاط
- على انغام الدي جي ياسر شاكر

3- الاذاعه المدرسيه ... اخبار من مجلات واشنطون بوست
- وطبعا .... مفيش ترجمه
4- يغنو النشيد الوطني بقيادة المايسترو (سليم سحاب)
- (حسن كامي) ... كان بيغنيه معاهم قبل ما ربنا يفتح عليه
5- طالعين فصولهم وكأنهم ملايكه أو فراشات ... وبحماس ونظاااام
- تقريبا ... والله أعلم ... بيحبو مدرستهم .... سبحان الله

الطفل البيئة
1- داخل المدرسه متأخر وحالته نيله
- اتشعبط في مكروباس (شبرا) ... ومدرسته اصلا في (الحلميه)
2- بعد التذنيب والشتيمه من مدرس الألعاب (حسن أبو شفه) ... انضم لباقي زمايله في المعتقل ... سوري ... أقصد زمايله في المدرسه
- ولا واحد منهم فاهم هو فين أصلا ... واتضح ان صاحبنا أكتر واحد شيييك فيهم
3- الإثاحه الملثيه .....----> تحريف لكلمة (الاذاعة المدرسيه)
- تخيلو انتو باقي الأخبار بقى
4- النشيد الوطني اللي هم بيقولوه .... بتاع دوله مجهوله ... ونفسي اعرف ايه هي؟؟؟
- طبعا على موسيقا آلات النفخ .... الشيشة!!!!
5- في مرحلة طلوعهم الفصول .... بيختلط الحابل بالنابل
- ياترى انا في فصل ايه النهارده ؟؟؟
بعد المدرسه ما تخلص ... بيرجعو على بيوتهم بنفس الاسلوب .... ونشوف يومهم عامل ازاي دلوقتى

الطفل الهاى لايف
1- يرجع من السكول تكون الدادا في استقباله ... وتشيل منه الشنطه ... ويغسل وشه ويغير هدومه
- والله العظيم ... وشه انضف من ما كان طالع الصبح أصلا
2- بعد يغير هدومة و يغسل وشه....يقعد يلعب بلاي ستيشن لحد ما يعملو الغدا
- الغدا بتاعهم بنشوفه في الأفلام الأمريكيه
3- هنى ... دينر إز ريدي
- السيييم بتاعهم لما يجهز الغدا
4- بعد الغدا ... يشرب كبايه (اورانج جوس) وينام ساعه عشان يعرف يذاكر ويحل الهوم وورك
- مش عارف يعني ايه هوم وورك ... بس سمعتها من بنت اخويه

الطفل البيئة
1- أخينا رجع من المعتقل ... او المدرسه زي مابيقولو عليها ... وهدومه كلها مقطعه وعلامات التعذيب على جسمه ...
- تقولوش جاسوس اسرائيلي اتمسك في حلوان
2- امه لسه ماخلصتش الغدا
- النهارده امه دابحه دكر جبنه بيضه ... واحتمال يكون في فول بالصلصه
3-ترا لا لااااااااااااااااااااااااا
- دي اعلان الحرب ... أو الغدا <<<<<هجووووووووووم 4- بعد اكلة الفول بالصلصه ومعاه فحلين بصل ... عادة ما يعقبها احساس بالضياع
- تنااااااااحه ... فور آيفير
بعد حالة التناحه او النوم دي ... بيجي وقت الشده ... ياترى الحياه معاهم - الطفل الفافي .. والطفل البييئه - عامله ازاي ؟؟؟؟

الطفل الهاى لايف
1- يقوم من النوم على صوت الدادا ... الهادي طبعا .. عشان يقوم يذاكر مع الميس (فرانكا) ... المدرّسه اللي جايبنهاله من انجلترا
- نازله مخصوص ....... بالكاتالوج!
2- بعد ما يخلص المذاكره وتحضير دروس تاني يوم .... مامته تاخده النادي عشان يلعب رياضه (باسكت او تنس) و احتمال (سكواش)
- مشتركين في نادي المعادي والصيد والشمس ... ده غير سبورتنج في الصيف

3- يرجع من النادي ... ياخد دش ويحضر شنطته وينزل يتفرج على شانل تو
- شانل تو بتاعة الام بي سي ... مش بتاعت مصر طبعا
4- على الساعه 10 يقوم عشان ينام .... والدادا تحكيله حكايه قبل النوم
- سندريللا وسنوو وايت ... مش ابو رجل مسلوخه وامنا الغوله
5- ينام على صوت الدادا وهي بتغنيله اغنيه رومانسيه ... وفي حضنه الدبدوب اللي جاله في عيد ميلاده
- ملاك نايم يا اخواتي!

الطفل البيئة
1- يفوق من حالة التناحه من الفول والبصل على صوت حد من صحابه ... عشان ينزل يلعب كوره شراب في الخرابه اللي جنب الحاره بتاعتهم
- نفس بدايات ابراهيم سعيد
2- يرجع بيتهم وهو بيجري وهدومه متقطعه ودماغه واخده بتاع تلاتين قلم على سهوه .... عشان شاط الكوره وكسر القزاز بتاع محل (عم سيد) البقال
- الراجل ده من كتر القزاز بتاعه ما اتكسر ... هايفتح مصنع قزاز
3- اخته جابته عشان يحل الواجب ويذاكر .. بس مامعاهوش قلم ... قام نزل الشارع عشان يجيب قلم
- آدي دقني لو جاب ولا حتى رجع من أصله
4- على الساعه 2 الفجر ... باب بيتهم بيخبط .. وامه فتحت الباب شافت جارهم دماغه متعوره وجايب لها المحروس اللي كان بيلعب حرب بالطوب وفتح دماغه
- تقولش طفل من أطفال الانتفاضه
5- ساب امه وابوه وهم بيصالحو جارهم وبيبوسو ايده عشان ما يعملوش محضر .... واتسحّب المفعوص على المطبخ جاب حتة جبنه وطماطمايه ورغيف معطن .... وزوغان على السرير
- بسلامته نايم وهو متلفح بالبطانيه زي مايكون من مطاريد الجبل [img(110,85):b20c]http://www.leblover.com/vb/images/smilies/10_5_135[1].gif[/img:b20c]








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin أسيرة الحب
مدير المنتدى
مدير المنتدى
avatar

انثى
عدد الرسائل : 641
العمر : 31
المزاج : بحلااااااات
اعلام الدول :
المهنه :
الهوايه :
تاريخ التسجيل : 11/06/2008

مُساهمةموضوع: رد: مقارنة بين الطفل البيئة و الطفل الهاى لايف....   السبت سبتمبر 13, 2008 4:14 pm

شكرا ميرا على المساهمة

لكن الطفل البيئة ده هو الى بنفع الايام ديه
حاة تشرح القلب بجد Sad Sad ياترى عيالنا احنا
حيبقو عاملين ازاى ولا الاضمن ان الواحد ميخلفش scratch scratch
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mayoy.banouta.net
مازن
عضو ملكى
عضو ملكى
avatar

عدد الرسائل : 744
العمر : 30
المزاج : مية مية
اعلام الدول :
المهنه :
الهوايه :
تاريخ التسجيل : 20/08/2008

مُساهمةموضوع: رد: مقارنة بين الطفل البيئة و الطفل الهاى لايف....   السبت سبتمبر 13, 2008 6:22 pm

موضوع هايل يا ميرا
وربنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مودى
عضو شرف
عضو شرف
avatar

ذكر
عدد الرسائل : 91
تاريخ التسجيل : 12/06/2008

مُساهمةموضوع: رد: مقارنة بين الطفل البيئة و الطفل الهاى لايف....   الأحد سبتمبر 14, 2008 6:39 am

وربنا معلم يا معلم ميور اية يا الموضوعات اللى تهبل دى بجد موضوع هايل

وفعلا زى ما قالت مى ان العيال البيئة دى تشرح القلب
وكمان زى ما قال اللمبى التشرد الاطفالى دة مش يس هنا بس
دة فى العالم كلة حتى روحى شبرا او امبابة هتلاقى كلة كدة gitar gitar gitar موضوع يجنن تسلم ايدك

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد جمال
عضو نشيط
عضو نشيط
avatar

ذكر
عدد الرسائل : 244
العمر : 31
المهنه :
الهوايه :
الاوسمه :
تاريخ التسجيل : 28/08/2008

مُساهمةموضوع: رد: مقارنة بين الطفل البيئة و الطفل الهاى لايف....   الأحد سبتمبر 14, 2008 6:56 am

والله موضوعك جامد بس هناك فرق فى طفل الهاى لايف بعد اما يكبر بسبب اهاله مشاكل من جميع انواعة المشكلة

اما الطفل البيئه لما يكبر يكافح ويصرف على نفسه وعلى اهاله ويكون ابن صالح اما الطفل بن الاغنياء يكون غير امين فى كل شئ اللى الوالد بيعملة عشان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mayoy.banouta.net
هيكل
عضو فعال
عضو فعال
avatar

ذكر
عدد الرسائل : 383
العمر : 108
المزاج : مش فاضى علشان اعرف
المهنه :
الهوايه :
تاريخ التسجيل : 12/06/2008

مُساهمةموضوع: رد: مقارنة بين الطفل البيئة و الطفل الهاى لايف....   الأحد سبتمبر 14, 2008 7:55 am






باقه ورود لاحلى ورده فى الدنيااااااااااااااااااااااااااااااااااااااااااااااااااااااااااااااااا

بجد مواضيعك كلها احلى من بعض ياميور والنبى قوليلى بس بتنزلى مواضيع بالجمال ده ازاى

_________________
لكل كلمة أذن .. لعل اذنك ليست لكلماتي ... فلاتتهمني بالغموض


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
SOLOM
عضو ملكى
عضو ملكى
avatar

ذكر
عدد الرسائل : 721
المزاج :
المهنه :
الهوايه :
تاريخ التسجيل : 22/06/2008

مُساهمةموضوع: رد: مقارنة بين الطفل البيئة و الطفل الهاى لايف....   الأحد سبتمبر 14, 2008 9:02 am

والله يا جماعه الطفل الهاى لايف ده لما يكبر بتقابله مشاكل جامده قوى يعنى زى ابن ميشيل احد عندنا فى اسكندريه طبعا عنده كل يوم مشكله على الصبح بيقف فى جراج بيتهم محتار يركب انهو عربيه الهامر ولا البورش ولا الاودى ولا الكيرزلر انا لو مكانه اخد تاكس ..................الحمد لله ان دادى جايب عربيه واحده بس وفر عليا كتير lol! lol! lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شعاع امل
عضو ملكى
عضو ملكى
avatar

انثى
عدد الرسائل : 773
المزاج : عادي
اعلام الدول :
المزاج :
المهنه :
الهوايه :
تاريخ التسجيل : 01/07/2008

مُساهمةموضوع: رد: مقارنة بين الطفل البيئة و الطفل الهاى لايف....   الأحد سبتمبر 14, 2008 2:23 pm


ايه يا ميور المواضيع الجامدة دي
بجد روووووووووووووعة يا ميرا
بس بصراحة انا عن نفسي اولادي هاجيب لهم عربية تنزلهم من السرير توديهم لاى مكان في البيت
يا جماعة الفلوس كتير ليه نبخل على اولادنا
دول بردوا مهما ان كانوا فلذة اكبادنا
بجد يا ميرا تماااااااااااااام كدا

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دقدوووش
عضو {v.i.p}
عضو {v.i.p}
avatar

ذكر
عدد الرسائل : 1234
العمر : 30
المزاج :
المهنه :
الهوايه :
الاوسمه :
تاريخ التسجيل : 01/07/2008

مُساهمةموضوع: رد: مقارنة بين الطفل البيئة و الطفل الهاى لايف....   الإثنين سبتمبر 15, 2008 6:09 am


رااااااااااااااااائع يا ميرا
بجد موضوع غاية في الروعة
بس بجد الاطفال البيئة هى اللى بتنفع في الزمن دا

_________________
[url][/url]
بحبك كل يوم اكتر من اليوم الى كان قبلة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://WWW.ZAMALEKFAns.com
 
مقارنة بين الطفل البيئة و الطفل الهاى لايف....
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
mayoya sport :: المنتدى العام :: منتدى الحوار العام-
انتقل الى: