سؤال هل ممكن ان تحب دون ان ترى ؟؟

هل ممكن ان تحب دون ان ترى

هل ممكن ان تحب شخصا عن طرق الانترنت

وهل رؤية حبيبك اهم ام احساسك به

هل من الممكن ان تتحدث مع انسان/ه لفترة لدرجة ان تحبه ام ليس هذا من الممكن

عايز اشوف رأيكم حول هذا الموضوع

وان تجيب هل ممكن ان تحب دون ان ترى ؟؟

موضوع جميل اوى يا فوزى ومهم كمان

بص يا فوزى انا بقول ان سواء كان نت او تليفون او اى حاجه بتشبه للحاجات دى بعتبرها مجرد سبب زيها زى اى سبب او اى طريق تانى زى زماله فى العمل او صداقه فى دراسه واى حاجه اللى ممكن تقلب بعد كده بقصه حب

بس فى حاجه انا بصراحه احب اختار لفظ تتعلق بحد من غير ما تشوفه اكتر من لفظ تحب حد من غير تشوفه

ما علينا مش موضوعنا

وبالنسبه لحكايه انه ممكن يتعلق دى

اقولك حاجه مثلا لو انت متعود كل يوم تشرب سجاير فى وقت معين مثلا بعد الاكل او اول ما تصحى من النوم صدقنى بتكون اتعلقت بالعاده دى وصعب اوى انك تبطلها

لالالالالالالالالالالالا دى سجاره لسه التقيل مقولتوش

ما بالك بقا لو ده شخص مثلا اتعودت جدا عليه بالوقت والعشره والحااجات اللى زى دى اعتقد ده اولى انك تتعلق بيه اكتر من السجاره اللى بتكلم عليها

بس فى حاجه احب اوضحها لازم علشان وبما ان اى حد زى ما انت بتقول بيحب حد يتمنى النهايه اللى كلنا عارفينها للحب ده وانهم يكملوا مع بعض

ان لازم يكون فى شفافيه بين الاتنين وصراحه حتى ولو اول ما يحسوا ان الموضوع دخل فى الجد اعتقد عمر العلاقه دى بالذات متكمل الا لو كان الطرفين صرحا مع بعض

وانا شخصيا يا جماعه اعرف واحده حاليا متجوزه بنفس الاسلوب ده وسعيده جدا مع جوزها ومتفاهمين جدا ويا رب يديمها عليهم نعمه

فى الاخر احب اقول للناس اللى بتتحامل فى الموضوع ده او بتتساهل فيه انه مجرد سبب زيه زى اى سبب لبدايه اى علاقه حب بين اتنين ولاما القصه تكمل او للاسف تفشل وان كان اعزرونى نسب فشلها اكبر من الاسباب التانيه

اتمنى اكون فيدتكوا فى الموضوع ده

مع السلامه