9 صفات لا يحبها الشاب في زوجة المستقبل

9 صفات لا يحبها الشاب في زوجه المستقبل

في دراسة اجراها قسم علم النفس في كلية الآداب في جامعة مصرية توصلت الى ان الصفات التي لا يحبها الشباب في زوجات المستقبل وصلت الى 9 صفات تزعج الشباب و تجعلهم يقلقون من ارتباطهم بفتاة تملكها , وندعو كل
الفتيات الى التخلي عنها حتى يكن زوجات مثاليات :

الغيورة:
اولى هذه الصفات التي ينفر منهاالشباب في زوجاتهم في المستقبل وهي هنا بمعنى الشك فهم يطالبون ببعض الغيرة التي تقوي الحب ولكنهم يرفضون الشك الذي يعني الجحيم في الحياة الزوجية فهم يريدون الثقةمن زوجاتهم ولايريدون ان يقدموا كشف حساب عن كل خطوة يخطونها ولابد من وجود الثقةوالحب وبعض الحرية ايضا

المتملكة:
ثاني صفة وهي الزوجة التي تتسم بحب التملك الزائد والسيطرة وهي تريد من زوجها الحب كله والخضوع والاستسلام لها فقط وتغضب اذا رأت زوجها يهتم بأحد اخر او يحب انسان اخر غيرها فهي بذلك تقضي على شخصية زوجها وتسبب له المشاكل وتجعله يكره الحياة الزوجية وهذا لايعتبر حبا وحنانا بل هوتملك وسيطرة

المتمردة:
زوجة لاترضى بمعيشتها وهي دائما في حالةتذمر وشكوى من كل شئ ليست قانعة بما لديها ودائما تريد المزيد وهي بذلك تضغط علىزوجها حتى ينفذ لها رغباتها وطلباتها
هي نوع من الزوجات المدمر لانها تبحث عن نفسها وسعادتها فقط ولاتحافظ على زوجها او بيتها وكثيرا ماتنتهي هذه الزيجة امابالطلاق او بمشاكل مالية ضخمة ليس للزوج فقط ولكن لها هي ايضا

اللامبالية:
لاتهتم بزوجها اطلاقا ولابيتها ولاتحاول تلبية حاجاتهاو مطالبه من حسن معاشرة او اهتمام بشؤون المنزل وهنا يشعر الزوج بأنها لاتحبه اوتهتم به وقد يؤدي به هذا الى الشعور بالقسوة معها لمحاولة تقييمها ويصبح الزوج غيرمهتم بها وغير متعاطف معها ممايؤدي الى وجود الفرقة والغربة وعدم الترابط بينهما

الطفلة:
تكون على علاقة دائمة بأمها ومرتبطة بها دائما وتعتمد عليها فيكل شئ تتصف بالخجل وعدم تحمل المسؤولية وغالبا ماتكون امها هي المتحكمة والمسيطرةفي المنزل كله فتلجأ اليها الابنة في كل شئ
وهي بذلك لاتصلح زوجة حتى بل لاتصلح اما لأبنائها لأنهم سينشأون اطفالا فاقدي الثقة بأنفسهم معدومي الشخصية

الغائبة:
غالبا ماتكون الزوجة العاملة فلابد ان توازن الزوجة بين عملها وزوجها واطفالها وبيتها فلا تحرمهم منها بحجة العمل فيفقد بذلك زوجها الاحساس بقربها منه ومشاركته في جميع نواحي حياته واهتماماته مما يؤدي الى وجود هوّة ومشاكل بينهما

الضعيفة:
تعودت على الاستسلام لمن حولها وهي تعجز عن اتخاذ أي قرار بنفسها ولاتحاول ان تبدي أي مشورة او رأي او نصح في ضعيفة الشخصية ومنقادة ولم تتعود على تحمل المسؤولية وغالبا مايكون اهلها هم السبب ويفتقد الزوج فيها الشريك الناصح الامين الذي يشاوره في اموره ويشركه في اهتماماته ويأخذ رأيه في المشاكل التي يواجهها

الموسوسة:
تتصور عن زوجها اسوأ الاشياء مثل عندما ترتفع درجة حرارة زوجها فتعتقد انه اصيب بالحمة وعندما يتأخر في عمله فقد اصيب بحادث فهي بذلك تطارده بالوسواس والخيالات

الكاملة:

تحرص دائما على ان تفعل الشئ السليم وتبالغ فيه حتى يخرج في منتهى الدقة والاحكام حتى لو كان على حساب اعصابهاواعصاب من حولها وهي تؤدي بذلك الى درجة عالية من العصبية في الحياة الزوجية ويمكن لهذا الاحساس ان يدفع الزوجين الى التوتر والانفعال ويمكن ان يتحول الزوج وقتها الىرجل مشاكس وعنيد ويتمرد على ماتفعله حتى لو كان من اجله ولايهمه ارضاؤها.

بصى يا ايمى فعلا الدراسه دى صح جدا جدا والله بس انا شخصيا الصفات اللى محبهاش فى زوجه المستقبل دى بالترتيب واكترها خطوره عندى

المتمرده
واللامبالاه
الغائبه
الطفله
الضعيفه
الموسوسه
اما الباقى بقا يا ايمى هنتعامل يعنى مش هانغلب وشكرا على موضوعك يا ايمى ويا رب البنات بقا يفهموا ومنكونش بننفخ فى اربه مخرومه

الرجاله دى حاجه غريبه هما مين اصلا عشان يحبو ولا ميحبوش هما يطولو اصلا يجوزونا ولا ايه يا ايمى lol!

هما يعدو يقولو بنحب الهاديه والجميله والحجات دى وفى الاخر لما تيجى واحده تبصلو ميقلهاش لا حتى لو كانت شبشب ده ايه الغلب ده

شكرا ياايمى على الموضوع الجميل دة
والله كل حاجة فية صح
مشكووووووووووووور

[size=24]الرجاله دى حاجه غريبه هما مين اصلا عشان يحبو ولا ميحبوش هما يطولو اصلا يجوزونا ولا ايه يا ايمى lol!

هما يعدو يقولو بنحب الهاديه والجميله والحجات دى وفى الاخر لما تيجى واحده تبصلو ميقلهاش لا حتى لو كانت شبشب ده ايه الغلب ده
[size=9]

سورى يا ميرا انا هارد بس علشان اعرفك مين هما الرجاله كويس لحسن يظهر انك متعرفيش عنهم حاجه لانك لو تعرفى مكونتيش قولتى الكلام ده واكيد اللى مبيعرفش حاجه ميعرفش يتعامل معاها وبصراحه مقدرش اسيبك كده انتى زى أختى برضه ولا اييييه

الرجاله دول يا ميرا اللى هما مين اصلا علشان يحبوا ولا ميحبوش

هما رئيس الجمهوريه هما الزعماء والملوك هما القاده والسياسين هما الشخصيات التاريخيه اللى بنسمع عنها اللى بايديهم يغيروا مسار وتاريخ امم برضه هما الجندى والعسكرى اللى بيرموا حياتهم ورا ضهرهم وبيمسكوا السلاح علشان يدافعوا عن نسائهم ويدافعوا عنك وقت اى عدوان علشان يحافظوا عليكى ويصونوكى

الراجل ده اللى هو مين اصلا هو الراجل البنا الفقيير اللى بيبنى ليكم الابراج والفلل والعمارات اللى انتوا ساكنين فيها

هما الادباء والمفكرين والمبدعين والشعرا والعلماء اللى بيخروا مجهوداتهم علشان يركبوكى العربيه وتفتحى الكمبيوتر وتشغللى المكيف علشان الحر وتستخدمى السيشوار بتاعك

الراجل ده اللى هو المزارع الغلبان اللى بيطفح الدم فى الارض علشان يأكلنا البرتقانه والعنب والملوخيه والبطاطس وغيرهم

الراجل اللى هو الحداد اللى عامل الكرسى اللى قاعدين عليه والشباك اللى بتداروا وراه والباب اللى بتتحاموا فيه

الراجل ده اللى هو عامل السرير اللى انتوا نايمين عليه والراجل ده بتاع الازاز اللى اللى عاملكوا الكوبايه اللى بتشربوا فيها والمرايه اللى واقفين ادامها ليل مع نهار

الراجل ده هو السباك اللى من غيره مكنتش الميه وصلتلكوا فى مواسير تشربوا منها وسورى فى اللفظ جدا بتاع الصرف اللى من غيره ولا حاجه

الراجل ده اللى هو الصياد اللى بيدخل فى وسط البحر علشان يأكلكوا السمك اللى بتاكلوه وبيخاطر بنفسه علشان رزقه

هو الظابط والعسكرى اللى بيبقوا واقفين طول الليل علشان يحافظوا عليكوا من الخطف والسرقه والتحرش فى الشوارع

الراجل ده هو اللى بتشيلوا اسمه بعد ما تتجوزوه

هو رب الاسره الى بيأكلو ويشربكوا ويلبسكوا ويصرف عليكم ويعلمكم وانتوا مستريحين

هو رب الاسره اللى بيموت نفسه علشان يربى ولاده احسن تربيه ويخليهم رجاله ويشيلوا اسمه من بعده

الراجل ده هو سواق التاكسى والميكروباص مرورا بسواق القطر وربان السفينه لحد الطيار اللى بيقود الطياره

هو القاضى اللى بيقف يحكم فى المحكمه

هو الغفير وحارس العقار اللى بيسهر طول الليل يحميكوا ويحرسكوا

هو الشيف اللى بيبقف فى المطاعم والمطابخ علشان يأكلكوا برضه

هما دول الرجاله اللى هما مين اصلا علشان يحبوا او ميحبوش وما يطولوش مش كده

لو لسه مقتنعتيش يا ميرا ولو لسه حد مقتنعش برضه مين هما الرجاله كويس اقنعوا تانى دو لو لسه فى عندنا اسلام وبنعمل بيه

قال تعالى(( الرجال قوامون على النساء بما فضل الله بعضهم على بعض )) واللى قالوا فى السوره اللى متسميه باسمكوا سوره النساء علشان متنسوش

الراجل ده اللى انتوا اتخلقتوا منوا من ضلعه اللى بيحمى قلبه اللى ربنا قدر ادم وخلقكوا وهو نايم علشان ميتألمش من خروجكوا وخليقتكم منه قال تعالى (( الذى خلقكم من نفس واحده وجعل منها زوجها))

الراجل ده اللى ربنا خللى فى ايده الطلاق نظرا لعقلانيته وقول الرسول فى النساء انهم ناقصات عقل ودين

الرجاله دول هما الرسل والانبياء اللى ربنا بعتهم علشان يهديكم ويهدينا

الرجاله دول هما اللى ربنا خصهم بالجهاد وانتوا قاعدين معززين مكرمين فى بيوتكم

هو اللى ربنا امره بحمايه اهل بيته وبالغيره عليهم من اى مكروه او ضرر

هما دول الرجاله اللى بتكلم عليهم اللى لسه فى منهم بقايا لحد دلوقتى فى مجتمعنا النسائى ومجتمع المخنثين المشبهون بالرجال حاليا واللى محسوبين علينا اسما ومتستغربوش من كلمه مجتمع نسائى دى لان ده الواقع اللى عايشينه ان النساء هيا حاليا اللى متحكمه فى المجتمعات الشرقيه اللى احنا منها لاننا حاولنا نقلد الغرب ويا ريتنا عرفنا على الاقل هما مقدرين عض وبيحترموا بعض وكلوا عارف حدوده مفيش تمرد من سيدات على رجاله ولا العكس والدليل شوفوا هما بقوا فين واحنا بقينا فين لما اتخلينا عن نخوتنا ورجولتنا

وبرضه بقولكوا متستغربوش ان مجتمعنا نسائى مجتمع هيفا ونانسى لان ده من علامات الساعه اللى نعرفها ان هايجى على الامه زمان نسائهم هاتتحكم فيهم علشان اتبعوا شهواتهم وجريوا وراها وورا النساء وبقا كل تفكيرهم فيها

اكيد هما دول يا ميرا طبعا اللى تقصديهم اللى هما مين دول اصلا

اكيد رجاله السلاسل والحظاظات ونضارات تامر حسنى والرجاله الناعمه والفافى بتوع اليومين دول بتوع بابى ومامى ومن على شاكلتهم

يا يا ريت بقا يا ميرا انتى وكل اللى ميعرفوش مين هما الرجاله او عاملين فيها ميعرفهومش كويس يتقبلوا الموضوع والكل يرضى بخلق الله سواء كان راجل او ست والموضوع ده عامل زى البنت القبيحه اللى بتبص عالجميله وبتغير منها ومش راضيه بقضاء الله فيها بالعكس هاتخسر اكتر كل حاجه من انوثه واخره لحد اخر حاجه هيا بتمتلكها فده بيكون عامل زى النساء المتمرده اللى مش عاجبهم برضه قضاء الله فيهم وعايزين يتحكموا ويطالبوا بالمساواه وهما مش اد كل اللى بيقولوه ده دول بخسروا انوثتهم وازواجهم واولادهم انا اقصد المرأه اللى مكنش عاجبها انها تقعد فى البيت وجوزها يتحكم فيها زى سى السيد كده وتقول انا زيى زيه ومحدش يتحكم فيا صدقونى بتخسر كل حاجه فى حياتها كل اللى تحاول انها تعمل كده وتتمرد على قضاء الله ومش عاجبها ان الراجل مخلوق قوى بطبعه وهيا ضعيفه

وبالمناسبه يا ميرا على فرده الشبب اللى بتجيلنا ومبنقولهاش لا دى احنا مبنقولش لا بس علشان بنعرفها قيمتها شويه لا اكتر ولا اقل من شبب يعنى وانتوا عارفين هما بيعملوا ايه فى الشباشب كويس دلوقتى اقصد البنات اللى زى الشباشب او بمعنى اصح البنات الرخيصه وما اكترهم دلوقتى

وبقول لأعضائنا المحترمين معلش لانى ده مش رد وانى متحامل فى كلامى ده انا يعتبر اديت درس لا وزودتها كمان زى كل اللى بيقوله اى واحد بيقرا الموضوع دلوقتى لانى محبش ان اسمع الكلام اللى من النوع ده ويا ريت اللى مش عاجبه الكلام ميردش ولا يعلق عليه ومكنش قراه من الاول لكن انا رديت بمنطلق انى واحد من الرجاله

اللى هما مين اصلا اللى ولا حاجه زى ما زكرت الاخت ميرا

يا ريت يا ميرا تكونى بقا عرفتى مين هما الرجاله انا مرضيتش اسيب اختى كده وبقيت اخواتى اللى معانا من غير ميعرفوا مين هما الرجاله علشان عالاقل بس يقدروهم ويعرفوا يتعاملوا معاهم كويس

مع السلامه يااااااا انسه ميرا

[/size][/size]

بصراحه يعنى الموضوعين اجمل من بعض مشكووورة
ياايمى على الموضوع
وشكرا يااحمد يالى رفعت رسنا بالرد الجامد ده

ياسلام عليكى يايمى موضعك ده هايل وجامد بجد وبييجى على الوتر الحساس وياريت كل البنات يفهموا الكلام ده بجد لان بجد الكلام ده سبب رئيسى فى فشل علاقات زوجيه وعلاقات حب كتيرررره بس بجد موضوع هايل وده مش غريب عليكى ياقمر

انا قلت اعمل ردى على جزاين يكون احسن لان ده عتاب لميراااا قبل ما اعاتب ميرااا الاول احب اقول لاحمد الف شكر ليك وعلى ردك بالنيابه عننا كلنا وكمان ما خلتش لينا حاجه تانيه نقولهااا بالنسبه لميرااا ياميرااا الكلام ده مش صح الدنيااا لما ربنا خلقهااا خلق من كل حاجه اتنين ومش صحيح الى يقولك ان ربنا خلق حوا من ضلع ادم الاتنين اتخلقوا بنفس الطريقه وربنا كرم المراه بالراجل وخصهاا بالبيت وخلاه مملكتها المتوجه على عرشه بس الستات غاويه تعب نعمل ايه الممنوع مرغوب يقولك اشمعنا الراجل نخرج احنا كمان نشتغل ويقولك كمان المساواه طيب المساواه فى ايه بالضبط فى الحقوق بس ولا الحقوق والواجبات والله الرجاله دول مطحونين وفى ظل الظروف الصعبه دى كمان انا مش منحاز لانى راجل بالعكس انا بقول كده من وجهه نظر شخصيه تانى حاجه ياميرا بالنسبه لردك انا مش هقولك اكتر من ان مين الى بيتجوز ياعنى مثلا انتى لو حبيتى تتجوزى هتروحى تخطبى واحد وتشبكيه لاطبعاااا ما فيش راجل بيعنس ياميراااا الا الى دماغه عاليه اوى وغاوى يعيش وخلاص ويبعد عن النكد خلاصه الكلام ياميرا ان الراجل ما يقدرشى يعيش من غير ست الى هى بتكون الحاجه الحلوه فى حياته والست ما تقدرشى تعيش من غير راجل وظل راجل ولا ضل حيطه حيطه ايه عماره كامله وحياتك وبمناسبه الشبشب ياميراا كمان قبل ما انسى الراجل لما يحب يمشى ويتسلى بيدور على واحده دلوعه روشه دهنه وشهاا بويه وحاطه مش عارف ايه و ايلينر وماسكار وكلام كتير ما اعرفشى اساميه الملعبكه دى ولابسه بنطلون مش عارف ايه وايه وايه وكده ياعنى كمظهر قدام صحابه انما لما يحب يتجوز بيدور على واحده بنت ناس محترمه متربيه متدينه من عيله حتى لو كانت فرده شبشب زى ما بتقولى لان ده مش كل همه ده ممكن يكون جزء بس مش الاساس الاساس الاخلاق والى تقدر تفتح بيت وتصونه كده انا خلصت ومعلش طولت عليكوا كلكوا وعليكى انتى كمان ياميرااا بس انتى لسه صغيره وبكره تفهمى اكتر معلش دى اول مره اخالفك فى موضوع بس حسيت انك فاهمه الحكايه غلط ارجو قبول النصيحه بصدر رحب من اخوكم عمررررررررو

ايه يا احمد مالك شكلك زعلان كده ليه
احنا مش بنقول انكم مش ليكم قيمة او حاجة بالعكس انتم بالنسبة لنا كل شئ زى ما احنا بالنسبة لكم بالظبط
لكن احنا مش بتكلم على كده انا عارفة و كلنا عارفين ان ان الرجل ده الاب و الاخ و الحبيب و الزوج
لكن احنا بنتكلم عن تصرفات الشباب مع البنات يعني انت دلوقتي بيعجبك اللى بتعمله الشباب في البنات باسم الحب
انا مش هاقولك ان البنت مش غلطانة بالعكس غلطانة لكن البنت عامة تقدر تضحك عليها بسهولة باسم الحب و بيكون قلبها كله ملك حبيبها لكن هو بيعمل كده علشان هو ليه غرض تاني و في الاخر بنشوف صورهم و الفيديو متوزع في كل مكان لكن احنا كلنا عارفين قيمتكم بالنسبة لنا
و يا باشا اوعى تزعل ده انتم برده الخير و البركة

انا في الاول حبيت ارد على احمد يوسف لاني حسيت انه زعلان
لكن انا دلواتي هارد على عمورة
بجد يا عمورة انت جبت المفيد و احمد بردوا

لكن انت رديت الرد الصح اكيد ان مفيش واحدة في البنات تقدر تروح تخطب الشاب

لكن احنا دايما بنكون ضعفاء ادامكم و على فكرة الضعف في الحب قوة طالما فيه انسان بيبادلني نفس الشعور

و انا عن نفسي لو لقيت انسان يحبني و اثق فيه بجد عمري ما هاقدر اتنازل عنه باى طريقة وزر ما قولت ان احنا مش هنقدر نعيش من غيركم و انتم كمان مش هتقدرو تعيشوا من غيرنا

روق يا احمد كده انا عارفة انك عمرك ما تزعل من ميرا لانها اختنا الصغيرة و لازم نفهمها بس بالراحة

على فكره يا عبير انا عمرى مزعل من ميرا ابدا ولا من اى حد هو كل الموضوع انى عندى حساسيه زايده شويه من ناحيه اى كلام ممكن اسمعه ممكن يقلل من قدر الراجل عموما وان شويه العيال اللى عاملين فيها رجاله متمناش ابدا ان هيا دى تكون الصوره بتاعتنا مهما كان

وعايز احيكى بصراحه على كلاامك اللى قولتى فيه انك عمرى ما هتتنازلى عن الشخص اللى ممكن يكون حب حقيقى فى حياتك مهما كان وبأى طريقه وبجد حسستينى من كلامك بجد قوه البنت وارادتها اللى المفروض تبقى فيها فعلا مش قوه العضلات والجسم وخلاص

والجزء ده بالنسبه لعم عمرو بقا على فكره يا عمرو كون ان حوا وخلقها كان زى ادم او انها اتخلقت من ضلعه الكلام ده عليه خلاف كبيييييييييييييييييييير جدا بين علماء كبار جدا يعنى يا عمور متزعلشى منى
متبقاش تجزم ان حاجه غلط وخلاص طالما فيها اختلاف بين علماء الامه وعالعموم هو مش موضوعنا بس قلت اوضحلك الحته الصغيره دى لعل وعسى اكون افدتك فى الجزئيه الصغيره دى واتمنى تتقبلها منى كأخ وشقيق وصديق ليك

وبعتذر برضه يا جماعه لأى حد ممكن اكون اسأت ليه فى كلامى من غير قصد واولهم ميرا طبعا

سيبكم بقي من الخناق والكلام الفاضي والزعل
وتعالوا بقي
الا مافيش واحد قال الف سلامه عليكي يا ايمان
ايه هما اخواتي نسيوني ولا ايه

الف الف الف الف الف الف الف الف سلااااااااااااااااااااااااااااااااااااااااامه ليكى يا ايمى بجد من حظى الحلو انى اكون اول واحد بيقولهالك ويا رب تكون حاجه بسيطه شويه انفلونزا ولا برد ولا حاجه من الحاجات دى والف سلامه تانى ليكى ولكل الناس اللى تعبت مره واحده مع بعضها دى شكلكم خدتوا عين ولا ايه ؟؟؟؟؟؟؟ Crying or Very sad

متشكرة اوي يا احمد
دا من حسن حظي انك تكون اول واحد يقولي الف سلامه
انا عندي برد شديد شويه

يا جماعه وربنا بهزررررررررررررررررررررر

انا بس بحب ازولكو كده شويه
هو احنا ونبى لينا غيركو ده انتو الخير والبركه
وعلى راى المثل اعدت الست بمليون راجل يجى الراجل تغور الست lol!

وبعدين ياجماعه ايه الكلام الكبير ده عمرو ويوسف انا كنت بهزر والله مش محتاجه كل الكلام ده عشان اعرف قمتكو دى معروفه من غير كلام اصلا دى مفهاش فكه ومفيش اى بنت فى الدنيا تقدر تعيش من غير راجل سواء كان اخ اب حبيب زوج كل الحجات دى
انا لقيت الموضوع اتاخد بجد وىىى كده وانا اتخضيت بس ده موضوع المفروض ان مفيش اختلاف عليه طبعا قمتكو على عينا ورسنا
فهمنى ياجماعه؟

وانا بقول بجد سورى ل اى حد زعل منى بس انت انتو فهمتونى غلط وبقلو سورى لتانى مره

الف سلالالالالالالالالالالالالالالالالالالالالالالالامه يا ايمى دور برد ويعدى وتبقى زى الفل وانا حظى احلى برضوه عشان بقلك بعد يوسف الف سلامه عليكى

وان شاء الله تبقى احسن

اوووووووووووووووووووووووووف
دي مش ردود يا جماعة
انا قريت اول سطرين من كل رد ومكملتش الباقي
انتو كاتبين مواضييييييييع مش ردووووووووود
الرد يكون صغير مش كدة
سديتو نفسي
كنت حرد ع الموضوع بس كفاية ردكو انتو بمليون من ردودي
:evil: Evil or Very Mad