الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 حدث صدق ولا ما تصدقشى احنا رايحين على فين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هيكل
عضو فعال
عضو فعال
avatar

ذكر
عدد الرسائل : 383
العمر : 108
المزاج : مش فاضى علشان اعرف
المهنه :
الهوايه :
تاريخ التسجيل : 12/06/2008

مُساهمةموضوع: حدث صدق ولا ما تصدقشى احنا رايحين على فين   السبت أغسطس 09, 2008 6:37 pm

بســم الله الـرحمــن الرحيــم



توجهت
ظهر اليوم لزياره زميل لي يبعد عن مدينتنا ببضعه كيلو مترات تستغرق نصف
الساعه او يزيد هذا الزميل لم ازره في بيته منذ سنتين ولكننا نري بعض
دائما ونتحدث تليفونيا بشكل منستمر الي ان طلب مني الذهاب اليه لاصلح عيب
ما في جهاز الكمبيوتر الخاص به ..


خرجت
من بيتي فاذا بصعوبه المواصلات تستفز كياني فما ان تاتي مواصله حتي تري
الناس كاكوام اللحم علي باب المكروباص الصغير والكبير الرجل والمراه الشاب
والفتاه كل يحاول ان يحصل علي مكان في العربيه


اما
انا فاتمشي ناحيه العربيه علي استحياء تاره وعلي مهل تاره اخري .. حتي
تحققت المفاجاه وركبت .. وطرت من السعاده ساعتها قلت في بالي .. السياره
كانت زمان من الرفاهيات دلوقتي بقت من الاساسيات .......




بعد
ماركبت واسترحت من اعباء الزحمه لقيت راجل مسن بيقول كل الزحمه دي طلبه
جامعه ده انا حتي اعرف واحد منهم في كليه طب ..... ايييييييييييييييه معتش
حاجه ليها لزمه لا الجامعه نافعه ولا الدكاتره نافعين ولا اي حاجه
........ خلاص نا كرهت حياتي والله فقاطتعه قائلا هو كل يوم كده قاللي كل
يوم العذاب ده ... فبادرته بالسؤال هو حضرتك ليه كل يوم بتسافر قاللي لاني
تعبان وبتابع مع الدكتور يوميا في المستشفي .. فدعوت له بالشفاء .. فشكرني


ثم
بدا الكلام بين كل من في الميكروباص فانفجر احدهم اشمعنا يعني المواصلات
اللي هتبقي حلوه ما كل حاجه في البلد دي مقرفه وزي الزفت هو يعني ايه اللي
كويس في البلد فقاطتعه امراه بسيطه تقول احنا نستاهل ماهما يدو لعيبه
الكوره مليون اتنين في السنه ويرجع اللعيب يقولك عايز امن مستقبلي مالفلوس
دي كلها فلوسنا وبيمصوها من دم الغلابه اللي زينا .. واحنا ساكتين


دخل
في الحوار شاب قالها ياحاجه انتي بتتكلمي علي اللعيب اسالي علي فلوس قناة
السويس والسياحه وبيع اراضي الدوله ومرتبات الوزراء واسعار الشقق و تيجي
تقوليلي لعيب الكوره ... فردت عليه لاننا شعب مستسلم




تكلم
الراجل المسن وقالها يعني نعمل ايه ياستي منكلش ونموت من الجوع علشان خاطر
يبقي اسمنا عملنا حاجه قالتله لا ياحاج احنا ممكن نعمل اضراب والشعب كله
يعمل اضراب علشان الحاجه متغلاش تاني




عارفين
.. طفل حوالي 12 سنه قال جمله مايقولهاش راجل خريج جامعه قال (( المشكله
ان ثمن السلع بيسبق اوي عدد السنين )) اذهلتني الكلمه .. وظللت افكر فيها
طويلا


السواق صاح خائفا (( العربيه عليها اقساط احنا منعرفش مين اللي راكب ))

فقال من بجواره متخافش ياريس ..

انت
سمعت عن الرجل بتاع الاسبوع اللي فات قاله راجل ايه __ فرد عليه راجل
اشتري ازازه زيت لمراته ففرح بيها وقالها انا اشتريت ازازه زيت النهارده ب
11 ج فردت عليه انت جبت الزيت طيب وهنقلي بيه ايه


انتو عارفين الراجل عمل ايه ... انتحر .. رمي نفسه من فوق الكوبري ... حدث والله في مدينه المنصوره .

فقال
موظف تبدو عليه حلقات الياس في حياته انا عندي بنتين مخطوبين ومش عارفين
اجهزهم ازاي ربنا يتولاني بقي .... فصاح رجل كل ده من احمد عز عايزنا بعد
كده نبيع هدومنا ..


كل هذا وانا لااتكلم لانه كما يوجد فن للكلام والحديث فانه هناك فن اجمل واعمق هو فن الانصات



سكتنا
شويه فالراجل العجوز قال امال الشاب هيتجوز ازاي والله انا مشفق عليهم
فانتبهت لحالي فقال ايييييييييييه علشان الشاب يروح يتقدم من هنا وتلاقي
ابو العروسه مشيله هم الدنيا كانه اخطا انه اتقدم لبنته عايز دهب باد كده
وعايز شقه تكون خمس اود .. فرد عليه شاب الجامعه قائلا اه والله ياعم
الحاج كانهم عايشين في دنيا غير الدنيا ..فردت السيده البشسيطه قالت انا
لما جيت اتجوز ابويا قاللي انتي عايزه دهب باد ايه قلت له انا عايزه راجل
مش عايزه دهب فلقيت ست اول مره تتكلم فبتقول دهب ايه والله انا يمكن الست
الوحيده اللي عمري ماحسيت بطعم الدهب لان يوم صباحيتي قلعت دهبي وبعته
علشان جوزي يسدد اجره المنجد والكهربائي ويكمل
غرفه النوم فنظرت اليها
والله نظره تقدير واحترام ... ثم صاحت قائله البنت بيجيلها دهب النهارده
وبتديه لجوزها بكره .... ده من يومها وانا بقالي 6 سنين متنجوزه قاعده في غرفه ومع ذلك عايشه مع جوزي عيشه راضيه ومش عايزه اضغط عليه اكتر من ضغط
الحياه عليه ... ففهمت معني اكبر للسعاده بين الزوجين ...


اسف جدا لقيت نفسي وصلت بلده زميلي بعد ان اصبت بالاكتئاب والاحباط خوفا علي مستقبلي وكل من مثلي



ووجدت نفسي اقول ياااااااااه ده المصريين دول غلابه اوي اوي الناس دي هتعمل اكتر من كده ايه ... لكن قلت فورا

لك الله ياشعب مصر .......

_________________
لكل كلمة أذن .. لعل اذنك ليست لكلماتي ... فلاتتهمني بالغموض


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mera
عضو ذهبى
عضو ذهبى
avatar

انثى
عدد الرسائل : 533
العمر : 26
المزاج : ربنا يعدلهاااا
اعلام الدول :
المهنه :
الهوايه :
تاريخ التسجيل : 17/06/2008

مُساهمةموضوع: رد: حدث صدق ولا ما تصدقشى احنا رايحين على فين   السبت أغسطس 09, 2008 8:36 pm

ده حال البلد ياعمور فعلا لنا الله حنعمل ايه بس
بس سيبك انت موضوعك هايل وده الحنا متعودين عليه منك

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شعاع امل
عضو ملكى
عضو ملكى
avatar

انثى
عدد الرسائل : 773
المزاج : عادي
اعلام الدول :
المزاج :
المهنه :
الهوايه :
تاريخ التسجيل : 01/07/2008

مُساهمةموضوع: رد: حدث صدق ولا ما تصدقشى احنا رايحين على فين   الأحد أغسطس 10, 2008 2:19 am


حمد الله على السلامة يا عمور
ايه فينك غايب عننا بقالك فترة
بس سيبك هى المواضيع المتميزة ما تجيش غير منك يا عمور بس بجد موضوع جميل
و هو ده فعلا حال البلد و شكله مش هيتغير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حدث صدق ولا ما تصدقشى احنا رايحين على فين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
mayoya sport :: المنتدى الرومانسى :: الكلام العذب والخواطر-
انتقل الى: