يا ترى الحب انواع ؟؟؟؟؟؟؟؟؟؟؟؟؟؟؟؟؟؟

ازيكوا يا جماعه يا رب تكونوا كلكم بخير ان شاء الله

فى موضوع كان شاغل بالى شخصيا الفتره اللى فاتت وتقريبا قريت شويه عنه فى المنتدى بتاعنا بس مش فاكر فى اى موضوع بالظبط وهو نوع الحب اللى بيحبه الرجل ونوع الحب اللى بتحبه المرأه بالنسبه للراجل يا ترى هو فعلا بيحب حب تملك ولا بيكون خوف ممكن يوصل لدرجه انه حب تملك ولو كان حب تملك يا ترى الراجل بيبقى من حقه نوع الحب ده ولا مش من حقه ويا ترى برضه المرأه بتحب النوع ده من الحب ولا يزعلها انها تحس ان فى حد يمتلكها ويحافظ عليها ويخاف عليها فى نفس الوقت لانى معتقدش انه هايكون بيمتلك حاجه مهمه عنده وميعملش كده ولا ايه ويا ترى المرأه برضه بتبقى مقدره ده كويس ولا انها بتحب تعاند واهو محدش يتحكم فيها وخلاص عند والسلام يعنى من غير تفكير ده بالنسبه للراجل

وبالنسبه للمرأه ايه هو نوع الحب اللى بتحبه للراجل وايه هيا برضه الواجبات اللى عليها تجاه الشخص اللى بتحبه من وجهه نظركوا

انا مستنى ردودكوا كلكوا ان شاء الله ويا ريت كل واحد يقول ايه هو نوع الحب اللى بيحبه وايه النوع اللى يحب انه يتحب بيه من الطرف التانى وايه وجهه نظره برضه فى الانواع الاخرى من عيوب ومميزات ياللا مستنى ردودكم الحلوه اللى هاتنوروا بيها الموضوع

ايه المواضيع الجامدة يا احمد يوسف

بص انا هاقولك حاجة هى عامة المراة بتحب حب التملك يعني بتحب ان حبيبها يكون ليها هى بس ما حدش يشاركها فيه و هي لو بتحبه اوي ممكن تغيرعليه حتى من اقرب الناس ليه زى مامته او اخته و يبقى يومه مش معدي لو شافته بيضحك مثلا مع بنت عمه و احلى حاجة في حب المراة كمان الغيرة بس بحدودها الجميلة يعني غيرة الحب مش غيرة الفرقة و النكد و انا عن نفسي احب حب الخوف و هو على فكرة نفسه حب التملك و اني احس ان حبيبي بيخاف عليه و يكون معايا في كل الاوقات مش في وقت الفرح بس لا لكن في كل الاوقات و اولها الحزن لاني انا هاكون معاه برده في نفس المواقف و يمكن اكتر

والله يا عبير وانا اول مره اقولك باسمك بس باقوله علشان انتى عجبتينى جداجداجداااااااا فى رأيك وبحييكى عليه هو ده كلام الناس العاقله ولا بلاش وبجد كنت محتاج ولو بنت عاقله ترد عالموضوع على الاقل احس ان الدنيا لسه بخير وبجد انتى جبتيها من الاخر لما قلتى انك تحبى انك تتحبى بحب التملك اللى هو الخوف وانهم حاجه واحده واللى معناه برضه ان اللى قدامك ده بيخاف عليكى فعلا من نسمه الهوا الطايره ده كفايه انك بتبقى عارفه انك كل حاجه ليه لانك انتى لو مكنتيش كده مش هايوجع دماغه وخلاص الحكايه مش ناقصه بس نعمل ايه فى بنات حوا اللى دماغهم زى الشوز اللى بيحورا الخوف لحاجات تانيه كتير وزى ما قلت اهو عند والسلام عالعموم يا ريت البنات يبقوا كلهم زيك يا عبيرويفهموها بقا ادى اول رد يفتح النفس مستنين الباقى ان شاء الله يا جماعه ويا ريت متنسوش