الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 النظام المصرى مظلوم... يا ولدى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin أسيرة الحب
مدير المنتدى
مدير المنتدى
avatar

انثى
عدد الرسائل : 641
العمر : 30
المزاج : بحلااااااات
اعلام الدول :
المهنه :
الهوايه :
تاريخ التسجيل : 11/06/2008

مُساهمةموضوع: النظام المصرى مظلوم... يا ولدى   الجمعة يناير 16, 2009 3:50 pm

خرشوف :- الحقنى يا برقوق ..الحقنى يا برقوق


برقوق :- مالك ياض فى ايه؟؟ الله يخرب بيتك

خرشوف :- الحقنى بسرعه الساده السياسيين وزعماء الحزب الواطى ورؤساء النظام بتاعنا مغمى عليهم فى المطبخ ومش بيردوا خالص

برقوق :- مغمى على مين ياهبل يابن الاهبل؟؟ .. دول بس معسلين شويه من ساعه البنت ليفه بتاعه اسرائيل ما زارتهم

خرشوف :- طيب تعالى نحاول نصحييهم لحسن الدنيا مولعه فى غزه والناس بتموت

برقوق :- غزه ؟؟؟؟ ايه اللى بيحصل فى غزه ؟؟؟

خرشوف :- ايوه يا سيدى مانت نايم على ودانك زى المعلمين بتوعك ومش دارى بحاجه .. تعالى افتح التليفزيون وشوف اللى بيحصل

برقوق :- ايه ده كله ؟؟ يا دين النبى .. كل الناس دى بتموت ؟؟ تعالى بسرعه نصحى النظام

خرشوف :- تصحى مين يابا ؟؟؟ انا بقالى ساعات عماله اصحيهم ومحدش بيصحى باين عليهم واكلين داتوره

برقوق :- اخرس يا كلب يابن الكلب .. عيب عليك تغلط فى اسيادك واسياد ابوك واسياد اللى خلفوك .. تعالى معايا وانت ساكت نصحييهم

خرشوف :- ادى ياعم محدش عايز يصحى .. ونايمين ومسطولين وباين عليهم عملين كاكا على نفسهم

برقوق :- كاكا مين يا جاهل يابن الجاهل ؟؟ دول ناس محترمه وبتلبس بامبرز من ابو دولارات كتيره .. بس ولا كلمه عمك الريس ابو الغيط جه اهه

خرشوف :- امال اشمعنى ابو الغيط مش نايم معاهم ؟؟؟

برقوق :- يا عبيط يابن العبيط انت مش فاهم الفوله

خرشوف :- طيب فهمنى الله يسترك

برقوق :- شوف يا جاهل .. النظام بتاعنا مظلوم .. هتسألنى ازاى اقولك .. الست ليفه وزيره خارجيه اسرائيل لما جات هنا سهرت مع المعلمين بتوعنا . وكان معاها ازازه اخضره فيها حاجه اصفره وشربت النظام منها .. ومن ساعتها والكل نعسان

خرشوف :- طيب اشمعنى ابو الغيط صاحى

برقوق :- ابو الغيط يا عبيط كان سارح على الغيط بتاعه فى الفجر .. ومش سهر معاهم .. انا شايفه خارج من الزريبه الفجريه ومعاه الحمار الشيروكى والبقره الشبح وطالع ينقى الدوده من غيط المكرونه اللى زارعه .. اصله زارع مكرونه اسباكيتى طولها 100 متر ..اصلها مكرونه ابراج

خرشوف :- بس اسكت احسن ابو الغيط جه

ابو الغيط :- ازيكم يا موزز .. ايه يابنى انت وهو عاملين ايه ؟؟

برقوق :- احنا كويسين لكن اهل غزه بيموتوا والشعب طالع فى مظاهرات والدنيا مولعه

ابو الغيط :- بس يا هبل انت وهو .. ايش فهمكوا انتم فى السياسه ؟؟ الناس بتوع عزه دول هما اللى غلطانين .. ايوه اهل عزه غلطانين .. انا هتنازل وافهمكوا .. بص يا جحش منك له
اسرائيل بتدرب الطيارين بتوعها فى الصحراء .. عاتشى يعنى بتحصل فى احسن الدول .. قوم ايه .. الناس بتوع عزه جم وسكنوا مطرح التدريب واشتروا مغناطيسات كبيره بتجذب عليهم القنابل والصواريخ غصب عنها .. واسرائيل يا عينى غلبانه زعلانه على القنابل والصواريخ بتاعتها .. والنماريد الحراميه بتوع عزه بيخطفوا القنابل بالمغناطيس ... شفتم بقى الاجرام وقله الادب .. مش عيب كده .. الناس فى اسرائيل والعالم يقولوا علينا ايه حراميه ؟؟ مش برضه عيب عليهم اهل عزه دول ؟؟؟يعنى نحط روسنا فى التراب احنا بقى ولا ايه ؟؟

برقوق :- تصدق عندك حق يا غيطاوى .. الناس بتوع غزه دول حراميه صواريخ .. واسرائيل غلبانه .. والنظام بتاعنا مظلوم

ابو الغيط :- يلا بقى ولع لنا حجرين معسل علشان نعمر الطاسه .. اصلى تعبان طول الليل فى الغيط . وهاتلى بامبرز جديد من عندك احسن اللى معايا اتبهدل

خرشوف :- يا جماعه الناس بتموت .. وغزه بتتحرق .. اعمل حاجه يا غيطاوى

ابو الغيط :- طبعا يابنى هاعمل .. هو انا هاسكت ؟؟ انا هارفع قضيه سرقه على حراميه الصواريخ فى غزه
[/size]

_________________
تمنيت لو عدت لطفولتي اعبث بدميتي ابني بيتا
وأغرس حلما .وابتسم لغدي..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mayoy.banouta.net
اسير الشوق
النائب العام
النائب العام
avatar

ذكر
عدد الرسائل : 76
العمر : 29
المزاج : كوووووول
اعلام الدول :
المهنه :
الهوايه :
تاريخ التسجيل : 14/06/2008

مُساهمةموضوع: رد: النظام المصرى مظلوم... يا ولدى   الجمعة يناير 16, 2009 3:56 pm

والله هتحبسينا ربنا يستر على النظام بتعنا احنا

_________________
اسير[b:81ad](فوزى)[/b:81ad]الشوق
[/img][embed-flash(width,height)]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شعاع امل
عضو ملكى
عضو ملكى
avatar

انثى
عدد الرسائل : 773
المزاج : عادي
اعلام الدول :
المزاج :
المهنه :
الهوايه :
تاريخ التسجيل : 01/07/2008

مُساهمةموضوع: رد: النظام المصرى مظلوم... يا ولدى   الجمعة يناير 16, 2009 4:00 pm


هههههههههههههههههههههههه
عسل و الله يا مي
فعلا عندهم حق يعني النظام هيعمل ايه و الا ايه
يعني يشتروا بامبرز من الغالي و الا يناموا
لا و عاوزاهم يساعدوا غزة
احسن انهم نايمين كل الدنيا بتقول حسبي الله و نعم الوكيل
اهل غزة و احنا لينا رب اسمه الكريم
يرحمنا من النظام الزبالة دا
دا مش ذنب الاطفال اللى كل يوم بتموت و لا ذنب الشباب
ربنا يرحم شهدءنا و يرحمنا من الدنيا اللى كلها قتل و دمار
تسلم ايدك يا جميل على الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
النظام المصرى مظلوم... يا ولدى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
mayoya sport :: المنتدى العام :: منتدى الحوار العام-
انتقل الى: