التكافؤ الاجتماعى

تعالوا نناقش دلوقتى موضوع غايه فى الأهميه انا بصراحه شايفه مهم جدا وهو:
التكافؤ الاجتماعى بين الازواج
وحبيت اسأل كام سؤال كده علشان نناقش فيه كلنا
ايه هو معنى التكافؤ عندك اصلا؟
هل هو تكافؤ مادى بحت ولا فى امور تانيه ممكن نقيس بيها التكافؤ؟؟؟؟؟؟
يا ترى هل هو ضرورى ومينفعش ان يتم الزواج الا لو كان فيه تكافؤ اجتماعى ؟؟؟؟؟
يا ترى بينطبق على الرجل والمرأه بنفس الدرجه ولا لأ ؟؟؟؟؟
لو صادف وطبيت ووقعت فى حب حسيت انه بجد حب حقيقى هل سيقف التكافؤ عائقا بينك وبين من تحب سواء كنت انت فى المستوى الاجتماعى الاعلى او الاقل مش هاتفرق احب اسمع وجهه نظرك يعنى فى كلتا الحالتين ؟؟؟؟
سؤال اخر وهو ايه هي المقومات الاخرى بعيدا عن التكافؤ اللى تحس انها لو مش موجوده ميكتملش اى زواج حتى ولو كان فيه حب ؟؟؟؟؟؟
يا ترى لو حصل برضه حب وللأسف مكانش فى تكافؤ هل هاتسلم من الاول وتقول مش ناقص وجع دماغ واشوف حد من مستوايا ولا تقول فى أمل واهو ممكن كل شىء جايز؟؟؟
يا ترى قابلت مثل فى فى حياتك لاتنين مفيش بينهم تكافؤ اجتماعى اكيد طبعا هاتقول مبسوطين ولا احكيلنا يعنى؟؟؟؟
على فكره محبتش اكتر الاسئله علشان مطولش عليكوا لكن لو شايفين ان فى زياده ممكن حد يضيفها للموضوع على الرحب والسعه اكيد واحب افكركوا ان ده قسم للمناقشه يعنى احب اسمع ارائكم حتى ولو كانت بعيد عن الاسئله اللى سئلتها

ايه هو معنى التكافؤ عندك اصلا؟

عندي التكافؤ هو بيكون من ناحيه التعليم والاخلاق والدين ودا اهم شئ

هل هو تكافؤ مادى بحت ولا فى امور تانيه ممكن نقيس بيها التكافؤ؟؟؟؟؟؟

التكافؤ زي منا قلت من ناحيه الاخلاق والدين والتعليم

يا ترى هل هو ضرورى ومينفعش ان يتم الزواج الا لو كان فيه تكافؤ اجتماعى ؟؟؟؟؟

لا مش ضروري بالنسبة لاي اتنين بيحبوا بعض لان مرايه الحب عاميه زي ما بيقولوا

انما الاهل عندهم كل حاجة تفرق

يا ترى بينطبق على الرجل والمرأه بنفس الدرجه ولا لأ ؟؟؟؟؟

من وجهه نظري الاتنين مش واحد بس

سؤال اخر وهو ايه هي المقومات الاخرى بعيدا عن التكافؤ اللى تحس انها لو مش موجوده ميكتملش اى زواج حتى ولو كان فيه حب ؟؟؟؟؟؟

انفصال الاب والام اوقات بتسبب مشاكل كتيييييييير وخصوصا للبنت يمكن الولد مش بتفرق معاه انما البنت اوقات بتفرق لان ممكن اهل العريس يقولوا ايه دي مربياها واحده ست في نظرهم يعني انت تربيتها مش بتكون زي التربيه اللي في وجود الاب والام مع بعض
وبردوا اختلاف وجهات نظر
انا قلت النقطه دي لان حصل قصص فيها النقطه دي كتيييييييير

يا ترى لو حصل برضه حب وللأسف مكانش فى تكافؤ هل هاتسلم من الاول وتقول مش ناقص وجع دماغ واشوف حد من مستوايا ولا تقول فى أمل واهو ممكن كل شىء جايز؟؟؟

بالنسبة للاولاد اللي شوفته
بيحاول ممكن مره واتنين بالكتير ودا اخره ويقول في الاخر دا نصيب وخلاص ويستسلم

انما للبنت بتحاول مره واتنين وعشره وبتتعرض لإهانات علشان تبقي مع حبها وشريك حياتها وعندي قصص كتير سواء للبنت او الولد

يا ترى قابلت مثل فى فى حياتك لاتنين مفيش بينهم تكافؤ اجتماعى اكيد طبعا هاتقول مبسوطين ولا احكيلنا يعنى؟؟؟؟

مثال 1 كان ليا واحده صاحبتي اختها في كليه طب وكانت بتحب واحد خريج دبلوم وهي من عيله كبيره وكدا اتعرضت لضرب واهانات فوق ما الواحد يتخيل وفي الاخر دافعت عن حبها واخدته وعايشين اكتر من سعدااااا

التكافؤ التعليمي هو اللي كان السبب

مثال 2 / بردوا كان توافق تعليمي واجتماعي

كانت بتحب واحد خريج دبلوم وبيشتغل في ورشه ميكانيكا وهي تربيه
اهلها كان من النوع اللي رافع فوق شويه لان اخواتها اللي ظابط واللي وكيل نيابه وعمها ظابط وكدا يعني في نظرهم بقي ان الشخص دامش مناسب ليهم خالص

اتعرضت للاهانات سنتين واحنا في الكليه وتحدي ومهما قلت مش هقدر اقول كان بيحصلها ايه في الاخر بعد ما خلصت الكليه ومع اصراها اتجوزت وهي لسه عروسه جديده وربنا يوفقها يارب ويسعدهااااااااا دايماااااااا

في اتنين متجوزين عندنا مافيش بينهم توافق في الماديات
الست عندها فلوس وملك اكتر منه
معيشاه في عذاب وذل والله وحياتهم اخر لخبطه
ومش عارف يخلع منهااااا لان هي اللي بتمتلك كل شئ رغم انه دكتور وهي محاميه

ويوم ما حب يخلع وقالوا انه طلقها وخلاص مافيش شهر ورجع تاني للذل يلا ربنا يكون في عونه بصراحه

كفايه قصص وحكاوي يا احمد دا انا جبت سيره بلدنا كلهاااا

والله يا احمد في كتير بس عايز مره نتجمع كدا كلنا ونقعد نحكي علشان الكتابه بالنسبالي انا مش بعرف اقول كل حاجة بردوا

شكرا ليك يا احمد علي الموضوع الهايل دااااااااا

وياريت اشوف ردك ومشاركتك بردوا

انا افضل ان اي اتنين يرتبطوا بعض يكون في بينهم تكافؤ في كل شئ سواء علمي او اخلاقي او مادي والخ... لان بعد الجواز كل حاجة بتتغير ولا قدر الله حصلت مشكله مافيش حد يعاير التاني وكدا

لو صادف وطبيت ووقعت فى حب حسيت انه بجد حب حقيقى هل سيقف التكافؤ عائقا بينك وبين من تحب سواء كنت انت فى المستوى الاجتماعى الاعلى او الاقل مش هاتفرق احب اسمع وجهه نظرك يعنى فى كلتا الحالتين ؟؟؟؟

حسب نوع اختلاف التوافق الاجتماعي هتترتب النتيجه
بس نادرا لما بتنجح العلاقه دي

شكرا ايمى عالرد وان شاء اللله هابقى ارد عالموضوع