لاعيبة الزمالك .. أنتوا ولا حاجة

ليست المشكلة أن تخسر مباراة ولكن المشكلة الكبيرة ألا تشعر أنك تخسر أسمك وسمعتك وسمعة فريقك ولا تشعر أنك مقصر في حق نفسك وحق فريقك وجماهيرك هذا هو ملخص مباراة الزمالك والأوليمبي .

لاعيبة الزمالك .. أنتوا ولا حاجة ImageGenerator.aspx?path=zamalik-fans

أن تخسر مباراة شئ عادي ووارد في كرة القدم حتى ولو خسرت من الفريق صاحب الترتيب الأخير في جدول المسابقة التي تشارك فيها .

طالما أن هذا الفريق أدى المباراة بشكل أفضل منك فهو يستحق الفوز حتى ولو كان هو الأضعف لأن هذه هي كرة القدم في جميع أنحاء العالم فلا مشكلة أن تخسر حتى ولو بالتلاتة من فريق ضعيف .

المشكلة في شئ أخر وهو – النخوة والرجولة – وأنت تمارس أي عمل وليس كرة القدم فقط يجب أن تشعر بالغيرة على المكان الذي تنتمي له حتى ولو كانت تحيط بك المشاكل في عملك أو مع بعض الأفراد في هذا العمل لسبب بسيط أن هذا العمل هو – شغلك – وبالتالي فهو بيتك الثاني وبالتالي فأنت مطالب بأن تشعر بالغيرة عليه وتعمل كل ما في وسعك حتى ترفع أسمه وأسمك في نفس الوقت .

أما إذا كنت لا تريد أن تعمل أو تلعب في هذا المكان فأتركه فورا دون أن – تمثل علينا – وعلى نفسك وتقول أني ألعب في أكبر فريق وولائي لهذا الفريق علشان التمثيلية بقى دمها تقيل .

لاعيبة الزمالك اللي فيهم لاعيبة دولية تمثل منتخب مصر تلعب للزمالك وكأنها تلعب لفريق عادي لا يمتلك جماهيرية كبيرة داخل وخارج مصر وهذه مشكلة .

لاعبو الزمالك فقدوا كل معاني النخوة والرجولة والغيرة على فريقهم وعلى سمعتهم هم أنفسهم وبالتالي يستحقون أن – تسن لهم السكاكين – وأن يتم وصفهم بأنهم لاعيبة – غلابة – لا يمتلكون شئ ليقدموه وبالتالي فهم لا يستحقو أن يمثلوا لا الزمالك ولا منتخب مصر .

من وجهة نظري تقويم هؤلاء اللاعبين يقع أولا على الجهاز الفني للزمالك وثانيا على جهاز المنتخب وثالثا على جماهير الزمالك .

على الجهاز الفني أن يقوم بحركة – تطهير – في هذا الفريق وأتحدى انه لو أعتمد الزمالك على ناشئيه بدلا من – العتولة – اللي في الفريق سوف يجد روح وجدية أكثر ويجب أن يتم معاقبة اللاعبين بشكل مناسب لما يقوموا به من – حرقة دم – لجماهيرهم ولكل من يشاهدهم وهم يلعبون الكرة – او الحكشة التي يلعبها بعضهم – .

وعلى الجهاز الفني للمنتخب أن يعلن إستبعاد كل لاعبي الزمالك من منتخب مصر وأن يصدر بيان بأن اللعيبة ديه لا تستحق أن يمثلوا منتخب مصر لأنهم ببساطة – مش رجالة في الملعب – ولا يشعرون بالغيرة على التي شيرت الخاص بناديهم .

وعلى جماهير الزمالك أن تضع هؤلاء اللعيبة في مكانها الطبيعي فهم مجرد – لاعيبة – كرة قدم هواة لا يمتلكون أي عقلية محترفة على الإطلاق وهم بلا أي شك يستحقون أسوأ وأفظع التشبيهات التي نخجل من ذكرها في موقعنا .

إليكم فريق الزمالك :

عبد الواحد السيد : الحارس اللي كان أمين دلوقتي بقى .......... معلش علشان الرقابة !

هاني سعيد : روح إلعب في الأهلي أحسن يا كابتن !

محمود فتح الله : شعرك حلو !

أحمد مجدي : يلعب ويجري ويذهب ويروح ولكنه في النهاية يلعب منفردا

محمد عبد الله : يلعب بطريقة هي بنا نجري في الحديقة وطز في الناس التانية !

أجوجو : القطة اللي كانت قاعدة في المدرجات ولبسة أسود وجنبها صديقك أهم بكتير من الزمالك .. بصراحة قطة !

مصطفى جعفر : بلدية المحلة مكانك الحقيقي !

جمال حمزة : الكبير يجب أن يكون كبير في كل شئ !

أحمد غانم : لاعب يمكن لك أن تبني عليه خطة كاملة لكي تفوز على الزمالك !

محمود سمير : الكرة اللي بتلعبها ديه كانت زمان يا كابتن دلوقتي فيه كرة تانية خالص !

أحمد عبد الرؤوف : أنت أيه اللي جابك في الفرقة ديه يا أبني !

أخيرا هولمان وجهازه المعاون : ممكن حد فيكم يقولنا انتوا بتعملوا أيه في التدريبات ؟ وممكن حد يقولنا أنتوا أمتى حتاخدو قرارات حاسمة مع لاعبين فقدو كل معاني النخوة والرجولة في الملعب ؟ لو مش حتقولوا أو حتعملوا حاجة يبقى كل واحد فيكم يروح يتعاقد مع قناة فضائية يحلل فيها المباريات علشان – يفتي – براحته وهو- الفتي- اللي في التلفزيون أفضل كتير من –الفتي- اللي في الملعب وهو كله أكل عيش !

أخيرا في حد ممكن الزمالك يتعاقد معاه وحيكون أفضل من بعض اللاعبين في الزمالك وهو – القرد اللي بيتكلم بتاع موبينيل – وهو دلوقتي راح شومبونجو وممكن تلاقوا سعره أتظبط !! أرحمونا الله يرحمكم .

كل الكلام ده بجد جميل
بس في الذمالك اول ما يتغلب يتقلبوا عليه
والمباراه اللي بعدها لو فاز يقولك الزمالك رجع بقوه واللاعيبه تقولك هناخد الدوري
كل ده مش صح المفروض انهم يتعاقبوا صح
نفسنا بقي نحس بطعم للدوري
كله بقي عنده ثقه ان الاهلي هو اللي هياخد الدوري
الاهلي بقاله 4 سنين بيحسم الدوري قبلها ب3 اسابيع
نفسنا بجد الدوري يرجع زي زمان
ويبقي في منافسه بجد
ونحس ان كل الفرق بتنافس علي الدوري
مش فريق واحد
واول الدوري تلاقي كل الفرق عماله تنافس عليه مجرد شهر بس
وتلاقي الوضع رجع كما هو عليه
الوصول للقمه سهل بس المحافظه عليه اصعب
والاهلي لوحده هو اللي بينافس عليه وبيحسمه بدري
لو رجع الزمالك طبعا المنافسه بتبقي احلي لانهم قطبي الكره المصريه ويا ريت كل الفرق كمان مش الزمالك بس
شكرا ليك يا مازن علي الموضوع الجميل ده
ويا رب الزمالك يرجع زي ما كان

انا زملكاوى وهفضل طول عمرى زملكاوى
بس بجد انا زعلان على الزمالك وعلى الى بيحصل فية
بجد احنا الجماهير دمنا اتحرق بجد
لاعيبة مفيش عندهم اى دم مع ان هم يعتبرو احسن لاعيبة فى مصر
وبياخدو احلى فلوس ومش ماثر فيهم ومفيش اى دم
الجماهير فى الماتش الى فات كانت بتقول الجملة دى
يمين شمال لاعيبة عيال حطوهم فى شوال ولاعبوا الاشبال
وفعلا هم عيال والله
وانا خلاااااااااااص اتخنقت بجد
يارب ايامك ترجع تانى يامرتضى يامنصور
بجد الراجل دة هو الى هيرجع الفرحة للزمالك